Thantlang peng nih Pa can ah kan i neih mi Dr.Hmuh Thang cu CDF Thantlang le Ralhrangbu biatak tein an vun i kahdoh hnu, August 21.2021 ni cun ralhrangbu nih biaktak tein an runven cang tiah theih a si, hi konghe pehtlai in Thantlang khuami pakhat nih a chim nak ah cun kan hnu lei ah voi khat cu Dr.Hmuh Thang le.
A chungkhar hna Chungkhar thlacamnak an tuah lio pi ah ruah lo in an inn pawng teah kutcheh bomb a rak puak cang. Cu hnu ah nizan August 20.2021 ah Hakha le Thantlang karlak ah CDF Thantlang le ralhrang hna karlak ah i kahdohnak a chuak i tuchun ah cun Dr.Hmuh Thang inn le a kiangkap hrawngah cun ralhrang pawl tam lak te nih an ven cang.
A mah belte zeiruangah dah Dr. Hmun Thang inn cu ralhrang pawl nih an ven hnga ti mi cu ho hmanh nih kan thei kho lo tiah a chim. Hakha lei in ralhrangbu tam lak te tuchun ah Thantlang an rak phan,Thantlang khuapi chungah chun ni tlak bomb le meithal an puah.
Thantlang khuachungah mipi chuakvak mi an um lo i an mah ralhrang lawng te an i chawk-let peng tiah a chim. Amahbelte August 21.2021 tuzing suimilam 9Am ah CDF Thantlang le ralhrangbu an i kap ti mi thawngpang belte cu ka thei loh. hmun dangdang ah an i kah zong a si kho. zeicatiah Thantlang khua chungah thil a cang mi hmanh micheu nih cun kan theih khawh lo mi tampi an um caah a si tiah a chim.
Thawng pang; Chinland Defense Force-Thantlang le Ralhrang I Kahnak Ah Ralhrang 5 Nak Tlawmlo An Thi, August 20-21 ah Hakha-Thantlang kar hmun pakhat ah ralhrang 200 hrawng le CDF-Thantlang i kahnak a chuak,ralhrang lei in a tlawmbik 5 hrawng an thi i,CDF lei in hliammi an um lo.
Ralhrang nih hriamngan in kah thlorh in an kahhna caah CDF hnu an tolh. Atu zong Thantlang ah ralhrang tamngai an lut,mipi zong nih khua chuahluh umkal i ralring dingin Chinland Defense Force nih an thanh,crd-the chin post.
Leave a Reply