Breaking News: A Pasal Nih A Nupi A Thah, A Hmun Ah A Thi Colh

Vawlei cung hi cu a poi tawn ko. Nungak tlangval lio i duhnak biazai phaiti lio cu nang hi vawlei cungah kan dawt bik e cu e kha e an hei ti i i tthitumh hnuah nupi zei rel lo, pasal zeirel lo ti bantuk hi an tam ngai hna.

Pasalle nih nupi cung kut thlah aa fawi ngaimi zong an um i cheukhat nu zong nih fale huat tlai ngai ding in biachim a hmangmi an um ve tawn. Nihin zong Kawlram chung lila ah nuleva kar buainak a chuak i a pasal nih a nupi cu nam in a sawh that tiah theih a si.

Thil sining cu nihin August 24, zinglei suimilam 11:10 am hrawngah Okdwin myo, Taikkyaung lam cung ah nuleva kar biaalnak in buainak a chuak i Maung Zaw nih a nupi Zin Mar Oo cu a cekeihlei a tang zawn ah nam in a sawh i Zin Mar Oo cu a hmun ah a nunnak a liam colh tiah theih a si.

Zin Mar Oo ruak cu Okdwin siizung ah hlai ding in mibawmhchanhtu phu nih an kuat tiah theih a si. A thimi hi a hmanthlak zohnak ah kum 30 hrawnghrang minung kum note mui a cuang.

Maung Zaw hi (Piat cinnak lo No-2) in a si i an nuva kar ah zeiruangah an buai timi source nih a langhter chihmi a um lo pinah a nupi a thattu Maung Zaw cu police nih an tlaih le tlaih lo, zeitindah case an tuahpiak ti bantuk zeihmanh langhter chihmi a um rih lo.

Source: Zin Moe

Leave a Reply

Your email address will not be published. Required fields are marked *