Breaking news CDM he aa pehtlai mi posters pawl a chuahtu (ningcanglo bia le cafang pawl tial mi) Computer dawr ngeitu pawl kan tlaih hna lai,” tiah March 8, zaan suimilaam 8:00 MRTV news nih a thanh. Crd- the hakha times.
Ca dang rel chap: Min Aung Hlaing khi cu hlan a ule Kawl ralbawizik pawl nakcun kau deuh in khua a tuak. Ne Win siseh, Saw Maung in Than Shwe tiang nih ramdang pawl hmuhnak an rak tuak bal lo. Tutan Pau Mipi Dohthlen do-aunak khuaihmal aa zalh tikah, ramleng hmuhning kong ah aa ralring ngai hmasa. Do-autu an karh chin lengmang tikah, aa veng cawk ti lo.
An zia a lang i an ṭial a chuak. Ram kip nih ralkap cozah lakmi cu mipi cozah ah an cohlang hna lo. Singapore hmanh nih mipi cozah nan si lo, a ti hna. Kawlram chung thilcang cu social media in direct in vawlei pumpi a cul colh lengmang tikah, UN tiang nih an buaipi colh. Nitlaklei ram nih an dirhmun le hmuhning an thlen khawhnak dingah Ari Ben-Menashe timi pa an hlan. Cu pa cu hodah si?
Ben Menashe timi pa cu Judah miphun a si. Atu ah Canada rammi a si. Iran khualipi Tehran ah a rak chuak. Israel ralkap IDF ah a rak ṭuan bal i vawleicung sungṭhoh minthang Moussad ca zongah a rak ṭuanpiak bal hna. Arab holh, Persian holh, Hebru holh, Mirang holh a thiam. A hnu ah, Canada ram, Montreal khua ah Dickens & Madson ti in puaisa company maktaduai a va dirh.
Meithal cawkzuar, ram khat le khat ipehtlaihnak tbk ah karlak pehtlaihnak tuahtu puaisa an si. Zimbabwe ram i dictator minthang Robert Mugabe nih a rak hlan bal. A hnu ah Sudan ram ralbawi pa nih $ 6 million in a rak hlan ṭhan. Kawl Ralkap caah zeidah tuah aa timh? Ralkap nih mipi an kahmi hna cu ruang loin an kap hna lo. Kah lo awk an ṭhat lo caah an kahmi hna an si tiah kilhkamh a timh hna.
Rohingya kong ah, 2017 rohingya cihmih timh dawinak thilcang kong ah, ṭuanvo ngeitu bik cu Min Aung Hlaing si lo, rampi hruaitu Aung San Suu Kyi nih ṭuanvo a ngei tiah thlennawn a timh. Suu Kyi nih uknak aa rak itlaih chungah Tuluk he deuh ikomh a duh, nain, ralkap nihcun Nitlak lei ikomh an duh cang tiah lemsoi a timh hna.
A biapi cun, Kawlram chung thilcang nan theihmi le nan hmuhning cu nan theih nan hmuhning bantuk si lo, a tak sining in kan fianh hna lai tiah tuanbia phundang chimrelpiak khawh aa tim. US lei i Steve Bannon phun nawn deng kha si ve. Rithai-sii bawi an timi drug lord tehna caah siihni a rak leih khotu pa a si tiah an ti.
Theih awk Sudan lio ah, Ben Menashe nih ralbawi pawl ca i a von dirkamh khawh bak hna hnu in, mipi sandah piahtu pawl cu ralkap nih an kah colh hna. Minung 100 renglo an rak thi. An tlaihhrem mi zat rel cawklo an rak si.crd- teirial catialtu
Leave a Reply