SAC nih Ramkulh le Ramthen Vuanci Pawl a Thim Hna, Nihin (August 1) ah SAC nih Myanmar ramchung ramkulh le ramtthen pawl ah vuanci rian a pek hna i Chin ramkulh vuanci rian hmun 7 ah rian pekmi SAC misa pawl cu a tanglei bang hin an si:
1.Pu Ngun San Aung (Ramkulh Chief Minister) (2) U Sein Tun Hlah (Ethnic Affairs) (3) U Soe Lwin Moe (Lamsul lei vuanci) (4) U Nay Lin (Zatlang lei vuanci/Social Affairs) (5) Pu Han Cinh Zam (Sipuazi vuanci) (6) Col. Han Win Aung (Runvennak vuanci) (7) U Kyaw Ngyein (Leichungchuak mansung thilri vuanci.
A cunglei SAC vuanci hmun 7 ah Chinmi chung in Pu Ngun San Aung le Pu Han Cinh Zam riankhinh an si ve. SAC nih nihin ah “Caretaker Government” (Innhngak Cozah) timi a sermi thawng a thanh dih lecangka in a cunglei vuanci pawl riankhinhmi thawng an thanh colh ve hi a si. Crd-The Chin Journal, Note-lak nak ah rem pah mi a um I a fiang tlamtling deuh nak hnga a hmanthlak/pho tuin ka tarlang chih hih.
Thawng pang dang relchap; 2021 August 21 ah USA ram i tuah ding mi Vaurawng CDF Laipaih ah One Championship MMA Vuak zuamnak ah aa tel mi Tial Thang Zathang nih, “A ka zuamcawh tuding an um a si cun cohlan ding in ready ka si ko tiah a chim. Tial Thang Zathang nih, “Ram le miphun khuatlang ca ah an ti tik ah kaa pai ve lai ka ti ko hih.
Hi paih bual ah zuamcawhtu ka ngeih a si cun a ka zuamcawhtu he kaa pai ko lai. Zuamcawhtu ka ngeih lo zong ah Palaivuang paih (Middle Weight, Papi paih (Heavy Weight) le Pate paih (Light Weight) ah kaa pai thiamthiam ko lai. Zatlang paih zong ah kaa pai thiamthiam ko lai,” tiah The Hakha Post ah a chim.
Tial Thang Zathang hi vawleipi theih in One Championship MMA Vuak Zuamnak ah voi thum tiang teinak a hmu cang mi a si. August thla chung ah voi khat aa phomh than lai tiah theih a si. Cun a ka zuamcawhtu an um a si cun Dollar tam deuh a hau lai. Kei cu kaa ready ko,” tiah a chimchap.crd-the hakha post.
Leave a Reply