Breaking News: CNA Le ZRA Karlak Ah Kahdohnak A Chuak

Tidim Peng Laitui Khua Pawngah CNA Le ZRA Karlak Ah Kahdohnak A Chuak, Chin ramkulh, Tidim peng, Tidim-Rihkhawdar ramri pawngah a ummi Laitui khua pawngah CNA le ZRA karlak ah kahdohnak a chuak tiah theih a si. nJanuary 11, zaanlei suimilam 1:00 tluk ah suimilam 1 chung tluk kaphninh karlak kahdohnak hi a chuak tiah an langhter,crd- Lungmili Post.

Thawng dang relchap- Operation 1027 thla hnih le a cheu chung ah Unau Thum Phu nih khuapi 16 an laak cang, A luan cia 2023 October 27 ah Chaklei Unau Thum Phu a si mi Ta’ang ralkap TNLA, Kokang ralkap MNDAA le Rakhine ralkap AA nih “Operation 1027” an rak thawk i, thla hnih le a cheu dengmang chung ah Shan ramkulh Chaklei khuapi 16 an laak khawh cang tiah theih a si.

Unau Thum Phu nih an laak cang mi khuapi hna cu Chinshwehaw, Laukkai, Konkyan, Kunlong, Hopang, Namhsan, Namtu, Manton, Monglon, Mongngawt, Namhkam, Monekoe, Pang Hseng, Kutkai, Hseni le Hpawngseng an si tiah tualchung media SPM nih a tial. Shan ramkulh Chaklei ah SAC ralkap kuttang ah a taang rih mi khuapi hna cu Moemeik, Mabein, Muse, Lashio, Thibaw, Kyaukme, Naungcho, Tangyan, Mongyai le Matman an si tiah a langhter.

Moemeik, Muse, Lashio, Thibaw, Kyaukme le Naungcho peng chung ah a um i SAC ralkap camp cheukhat zong Chaklei Unau Thum Phu nih an laak cang hna tiah theih a si. Thawng dang relchap- CDF-Thantlang Nih Mizapi Sin Ah Thawng An Thanh, Ziknawh Eihmuar An Dohnak Zong An Langhter, CDF-Thantlang cu ralhrang uknak hrawh in Chin miphun nih mahte khuakhan lairelnak kan ngeih khawh nakhnga le Federal Democracy ramkomh sernak ding ca ah.

Dothlennak a tuah cuahmah mi a si bantuk in ralkap lei lawng si lo in caan karlak zatlang uknak zong mizapi thazaang hmang in kalpi cuahmah a si, Chinland Defense Force-Thantlang nih January 8 ah cathanh an chuah. Atu lio caan hi kan miphun le kan ram sersiam lio caan a si bantuk in kan miphun le kan khuatlang ah ziknawh eihmuar doh in dinfelnak a len khawh nakhnga kan i zuam a herhtuk lio caan zong a si.

Cucaah CDF-Thantlang, Council tawlrelnak chung ah a ummi zung le hmunhma paoh ah a ruang/kong ummi (biaceih liomi kong, pumpak chungkhar le khuatlang ca bawmhhalnak tibantuk) he pehtlai in lenkai tik ah kutput tangka, ar le dinei ding tibantuk pawl i ken lo ding a si lai. Nan i ken sual zong ah cohlan nan si lai lo, tiah Chinland Defense Force-Thantlang nih cathanh an chuahmi ah an langhter chih.

Leave a Comment

Leave a Reply

Your email address will not be published. Required fields are marked *