CNLD Chairman facebook page cu chitchat te phitpiak chun a si tiah Chin National League for Democracy an official facebook page ah tarlangh a si. CNLD chairman Pu David Ngai Sak facebook page cu nizan September 21, 2020, zan suimilam 11:00 pm hrawngah Facebook company lei nih Unpublished an tuah piak ti si.
Facebook Team sin in theihternak cakuat a don hi nihin 22/09/2020 ni, zinglei suimilam 1:13 am ah a hmuh i, tuzing suimilam 7:53am ah High Profile Impersonation-High Profile deu pawl kan hnonpiak lio a si caah kan phit chunmi si tiah an phitpiak chunnak ruang an rak kuat than tiah theih a si.
Pu David Ngai Sak facebook page cu suimilam 10 chung phit piak chun a si lai i 22/09/2020, zinglei 8:58am hnuah hman than a ngah te lai tiah theih a si. Hi hi, CNLD, Digital Team lei nih CNLD chairman Pu David Ngai Sak facebook page an phit chunnak kong an tarlanghmi a si. (A caan an tialmi hi Kawlram caan cun a luan cang nain facebook team umnak local caan a si kho).
Hi post tangah Chin Buddhist a si lai tiah ruahmi Win Naing comment hi rel chih:
“Kan miphun party a si caah a hramthok ah cun ka lawmhpi ngai hna. Nain Buddhist pawl caah policy an suaimi cu alakaa a si. Chin Khrihfa pawl nan theih dingmi cu Chin miphun chungah Khrihfa lawng nan si lo i Chin Buddhist zong tampi kan um ve ti hi theih uh. Miphun nan thleidan i biaknak zong nan thleidan tuk ahcun zeitik hmanh ah Chin miphun kan i lungrual kho lai lo.”
Source: Chin National League for Democracy
Leave a Reply