Breaking News- Falam Peng Ah Palik Bawi Pakhat Amah Tein Ai That

Falam Peng Ah Palik Bawi Pakhat Amah Tein Ai That Chin ramkulh, Falam peng Var khua palik sakhan ah palik bawi rian a ṭuanmi Min Htuat(38) cu, nihin November 25 zinglei sml 5:30 hrawngah a mah tein ai that, tiah theih a si. Min Htuat cu Falam in Var ah an ṭhialmi a si i zudin le sa ei zong a hmang lomi a si, tiah theih a si. A ruak cu Falam sii-inn ah nihin zinglei ah an kalpi tiah theih a si.

Thawng dang rel chap- Chin ramkulh, Falam khuachung ah Vok zawtnak tlangrai a tlung i zawtkham sii a um lo pinah sii chuntu an um lo caah a thimi an tam cang, tiah theih a si. Tualchung mi pakhat nih, “Atu lio hi Falam ah Vok zawtnak tlangrai fak tuk in a tlun caah a thimi an tam ngaingai cang. Voksa zong kan ei ngam ti hna lo.

Zawtkham sii zong a um lo pinah sii chuntu siibawi te zong an um lo,” tiah The Chin Post ah a chim. Vok an zawtnak hi zarh thum hrawng a si cang. A dang inn zuat saṭil tu cu an zaw hna lo. Falam khua chung mitam deuh nih cun Voksa kan ei ngam ti lo. Market Vok an thahnak zong ah Voksa a cawtu kan tlawm ngaingai cang, tiah a chim chap.

Falam peng Varung khuami pakhat nih, kannih lei hi cu Vok a zawmi le a thimi cu an um hraw rih lo. A dang inn zuat saṭial hna zong an zaw hraw rih lo, an him ko, tiah The Chin Post ah a chim. A luancia September le October thla lio zong ah Hakha ah Vok zawtnak tlangrai a rak tlung i, a thimi zong an rak um. Atu cu zawtkham sii kan chunh hna i ai ning ngai cang, tiah Vok zuatu pakhat nih a chim.

Leave a Reply

Your email address will not be published. Required fields are marked *