Breaking News: General Than Shwe Inn DKDF Nih Bomb An Puah + Video

General Than Shwe inn DKDF nih Bomb an puah, Mandalay Ramthen KyuatSe Khua lai ah a um mi Ralhrang Bawi Hlun U Than Shwe inn Bomb in kan puah hnawh tiah Dragon Kyautse Defense nih cathanh an chuah. Tuzing September ni 11 tlam tling te in bomb kan puah khawh, Dalan pawl zong kan fim tawl hna lai tiah DKDF nih an chim.

Hi bomb puah nak ah minung a hliam mi a thi mi kong ah fian te in theih khawh asi rih lo. A hlan ah U Than Shwe a rak um nak a si tiah mi nih theih mi inn a si, Hi inn ah Minister cheukhat zong an um tiah pawngkam mi hna nih an chim. Hi inn bomb a puah hnu ah SAC Ralhrang pawl nih inn an kulh i chek hlet nak an tuah tiah Mizzima nih a langhter. Crd- CBN.

Note: A luan cia kum zeimawt ah kawlram pi a rak uk tu, Ralhrang Bawi Hlun U Than Shwe inn Bomb in an puah hnawh nak video zoh duh mi hna nih mah a link hi Daily/videos/22 hmeh piak law video na zoh khawh lai.

Thawng dang: 2021 September 10 Thantlang Peng, Zahnak tlang Lungler sakhan kah ruang ah khua chuah takin himnak lei ah a zaam mi hna cu Mizoram, Cherhlun le Ngharchhip khuami hna nih nihin September 11 ah an va don hna tiah thawng kan theih. Atu an va don mi hna hi a tam deuh cu Lungler khuami le pawngkam khuami hna an si.

Hi kong he pehtlain Thingsai khuasa T Zosangpui nih, “Lungler sakhan kah ruang ah a zaam mi hna hi Cherhlun le Ngharchhip khua mi hna nih tlangrian hrihhawh in an va don hna. Khuachung i motor a um mi poh kal in an umnak hmun tiang an va don hna,” tiah a chim.

Hi ralzaam hna ca ah zeitindah khuami nih an tawlrel lai i an zohkhenh hna lai ti thawngfiang a um rih lo. Lungler sakhan kahnak ah CNA/CDF lei in a thimi an um lo nain minung 7 hliam an tuar i SAC mithat phu lei zong tam ngai an thi tiah kan theih.

Myanmar ram uknak hramhram in Min Aung Hlaing nih a laak hnu Mizoram ah a zaam mi hi nihin tiang minung 1000 fai an si cang. Hi chung ah CM hlun Salai Lian Luai telh in MP minung 20 leeng an si cang tiah kan theih. Crd- the hakha post.

Leave a Comment

Leave a Reply

Your email address will not be published. Required fields are marked *