Nihin October 119, 2020 ni ah Hakha peng motor gate i motor monghtu le a bawmtu spear hna cu covid zawtnak hrik an chek i Gankaw khuasa thehse phurmi motor monghtu minung pakhat ah covid zawtnak an hmuh tiah the Hakha Post nih tu naite ah a tarlangh.
Nihin tiangah Chin ramkulh chung in Covid-19 mizaw dihlak minung 60 an si cang ti si. Khuami nih nan inn pawng hrawnghrang ah khua dang hmun dang in a ra mi, umkalnak rih khiahpiak lomi an um sual ahcun tuanvo ngeitu hna sinah theihternak kan tuah uh tiah Chin state Health Department lei zong nih thawngthanhnak an tuah tiah theih a si.
Nai October 17 ni ah the Hakha Post nih “Breaking News” a ti i Hakha khuachung ah COVID-19 lunghrinh mizaw minung pathum hmuhchap a sinak kong cu a tanglei bantukin a tarlangh. Chin Ramkulh, Hakha khuapi chung ah COVID-19 lunghring mizaw minung pathum sin in hmuhchap a si tiah thawng kan theih.
Hi kong he pehtlai in Hakha sii-inn uk Dr. Mang Biak Kung nih, “Atu minung pathum hna hi Yangon in a rak tlung mi an si. Hakha an phaak le cangka in Na-ta-la sianginn ah erhkhumh an si. Atu hi Hakha i kan chek hna nak ahcun zawtnak hmuh an si. Zawtnak hmuh an si mi hi Mandalay lei ah kan kuat hna lai i anmah nih Confirm an rak tuah hna lai,” tiah The Hakha Post ah a chim.
Atu, Hakha i zawtnak hmuh mi minung pathum hna hi Yangon in a rak tlung mi pa pathum an si. 2020 October 17 lawng ah Chin Ramkulh chung COVID-19 mizaw thar Falam ah minung 4, lunghrinh mi minung pakhat le Tonzang ah minung 2 hmuhchap an si.
Atu lunghrinh mizaw minung pathum hna cu Hakha sii-inn ah chiah an si tiah thawng kan theih.
Crd: The Hakha Post
Leave a Reply