Hakha Ah Inn A Kang: Nihin 11/10/2020, zarhpi ni chun suimilam 1:30 pm hrawngah Hakha Calvary Baptist Biakinn pawng ah inn a kang tiah theih a si.
Cu kong he pehtlaih in Pa Ram facebook account hmangtu nih “Hakha CalvaryBaptist Biakinn pawng ah inn a kang. Tuni suimilam 1:30 hrawng ah a kang i meithat nih suimilam 2:20 ah an thah khawh. Akonglam dang cu kan thei rih lo” tiah a tarlangh hi si.
Eden Thawng nih cun “A kangh kha cu 2pm ah a si, kan inn pawng ah a si” tiah a tial ve. Atu a kanghmi inn hi “Saya Ngun Lian inn a si” tiah Pa Ram nih comment box ah a tial chih.
Cu pinah mi pakhat nih cu inn kanghmi kong he pehtlaih in comment box in “a ciam dih maw inn kang cu” tiah halnak a tuah i Pa Ram nih “Ciam dih lo. Meithat mawtaw pa 5 nih an rat hnawh in pa 2 nih tha lo in an thah khawh” tiah lehnak a tuahmi hmuh khawh a si.
A poi hringhran ko. A kanghnak ruang zong hi tu tiang tah theih fian a si rih. Atu cu mei an hmit khawh cang ko. Hi meikanghnak ruangah zei pawl dah an kangh chih timi zong theih fiang a si rih lo. Thawngpang update than khawh kan i zuam te lai.
Source: Pa Ram
Leave a Reply