Hakha Circle Council Nih Hakha Khuachung Mizapi Sin Ah Thawngthanhnak A Tuah, Nihin March ni 27 ah Hakha Circle Council (HCC) nih Hakha khuachung mizapi sin ah thawngthanhnak a tuah tiah theih a si. “Chin ramkulh, SAC Chief Minister nawlpeknak bantukin Ministry of Electircity and Energy Deparment nih 2023 April thawk in Hakha khuachung ah mei man hal ding in timhtuahnak an ngei” tiah theih a si.
Min Aung Hlaing le a ralkap hna nih hramhram in uknak an laak hnu 2021 February ni 1 thawk in Myanmar ramchung dihlak phunghram, zulhphung le phungṭeng vialte hnon dih an si cang tiah ruah a si. Cucaah dohthlennak caan chung zulh ding le hman ding in zulhphung thar le phunghram hna ṭha tein ser le chiah an si. Hakha khuachung um mizapi sin ah Hakha Circle Council nih cu zulhphung thar le phunghram hna ning in thawngthanh a si ṭhan hlan tiang.
Zeibantuk ngunkhuai hmanh SAC cozah sin ah pek a hauh rih lo” tiah Hakha Council Circle (HCC) nih mizapi sin ah thawng an thanh” tiah theih a si. “Hakha khuachung um mizapi nih hramhram in uknak a latu SAC ralkap hna nih an sermi cozah tang in Ministry of Electricity and Energy Department nih mizapi sin ah mei man hal ding in an i timhtuahnak ah i tel ve lo ding in le mei man pek rih lo ding in Hakha Council Circle (HCC) nih thawng an thanh” tiah theih a si.
Atu bantukin mei man hal ding ah nawl a petu SAC cozah Chief Minister siseh Department lutlai si hna seh, Electric zung rianṭuantu hna nih mei man hal in vah le mizapi hnahnawhnak nan pek hna a si ahcun Hakha Circle Council nih tlaih, kah le a herh ning in hma kan laak lai tiah Hakha khuachung um mizapi sin ah Hakha Council Circle (HCC) nih thawngthanhnak an tuah” tiah theih a si.crd- The Chin Post. Thawng dang relchap- Ayardaw-Wetlet Kar Le Yesagyo Khuachung Palik Sakhan Kahdohnak Ah SAC Ralkap 11 An Thi, Sagaing ramṭhen.
Ayardaw peng le Wetlet peng kar Tamayu hlei ah SAC ralkap bomb kan puahhnawh hna caah 8 an thi, 17 nak tlawm lo hliamhma an pu, tiah Chindwin Attack Force Battalion 2,3,4 in ṭuanvo ngeitu nih a chim. March ni 24 zanlei suimilam 6:00AM hrawng ah Wetlet peng Tamayu hlei a tanmi SAC ralkap cu Chindwin Attack Force Battalion 2,3 le 4 nih bomb in an puahhnawh hna caah ralkap 8 an thih pin ah 17 nak tlawm lo hliamhma an pu. Cu kahdohnak ah suimilam pakhat le cheu chung a rau, tiah theih a si.
Min Aung Hlaing Monywa a rat tikah humhimnak laakpiak ding in SAC ralkap 300 cu Shwebo lei in an ra. 200 tluk hi Shwepankone khua lei an kal. 100 tluk hi Ayardaw le Wetlet peng kar hlei ah bomb in kan puahhnawh hna,” Chindwin Attack Force nih cun an langhter. Cu kahdohnak ah Chindwin Attack Force, Battalion 3, Company 3 Kannungnet PDF, 9 One PDF, Yakhahnginaung LPDGF, Daung Nginaung LPDF, Aung Sitti LPDF le a dang ṭangṭi phu hna i bawm in an kah hna, tiah theih a si.
Cu pin ah March ni 22 zan suimilam 7:30PM ah Yesagyo khuachung phungki sianginn ah umhmun a khuarmi SAC ralkap cu, hriamtlai phu nih an kah hna caah 2 an thi. March ni 23 zing suimilam 7:00AM ah Htintan sianginn ah umhmun a khuarmi SAC ralkap kahdohnak ah 1 a thi chap. Zing suimilam 11:50AM ah Yesagyo palik sakhan cu 60mm lung 2 in an kah, tiah theih a si. Yesagyo khuachung kahdohnak ah Southern YSO PDF, Urban Underground Revolution Force (UURF-YSO) le Myingyan Black Tiger hna i bawm in an kah hna, tiah theih a si.crd- The Chin Post.
Leave a Reply