Hakha Thantlang ahhin CNLD an thawng ngai rua tiah kan ruah nain nihin The Hakha Post le Hakha Times hna nih an langhter ning ah NLD nih tampi in a tei rih hna. Hi hnu a tangmi result zei an lawh lai ti cu a fiang rih lo. Nain tam deuh result zoh tikah NLD nih an tei deuh ngai hna.
Hakha Thantlang in CNLD Candidates pawl hi zumh an um ngai nain nihin mee an van thlak ngaingai tikah ruah ning bantukin an result a tha lo in a lang. Falam peng, Matupi peng hna an result zoh ahcun CNLD hi tha dawh in an lang ve. Cu tikah tu kum 2020 thimnak ah kanmah Hakha Thantlang lei in CNLD hi thawng ding dawh in an si ti lo.
Chin Broadcasting Network nih tu naite ah a tarlangh ning in Thantlang peng khua 16 mee result lebang ah cun CNLD cu NLD nih a let hnih bak in an tei hna. NLD nih mee 3168, CNLD nih mee 1365, USDP nih mee 94, le CNP nih mee 120 in an hmuh cio hna.
The Hakha Post nih Thantlang peng Khua 40 tiang an relcia Pyine Hluttaw No. 1/2 mee result a langhter ve ning ahcun NLD nih an tei tuk ve. A langhtermi cu, Pyine Hluttaw No. 1 in NLD nih mee 1515, CNLD nih mee 1259, USDP nih mee 666, CNP nih mee 268, le IND nih mee 263 an hmu cio hna. Cun Pyine Hluttaw No.2 in CNLD nih mee 1001 a hmu ve. Hi hi The Hakha Post nih a langhter ve ning a si. Hi vial in si rih sehlaw kan van update than lai.
Source: CBN, THP
Leave a Reply