Chin ramkulh chungah khuapi deuh Hakha peng, Thantlang peng le Falam peng hna ah NLD party nih 100% peng deng in teinak an hmuh tiah Chin World media nih a tarlangh.
Hakha peng chung in NLD nih Amyothar hluttaw (1) hmun in NLD nih CNLD cu mee thlaknak zung 50 ah mee 500 leng in a tei tiah theih a si.
Pine hluttaw No 1 le No 2 zong ah NLD nih CNLD cu mee 560 leng in a tei i, CNLD cu a pahnihnak mee tambik dirhmun ah an um tiah theih a si.
Thantlang peng chungah cheuli ah cheuthum in NLD nih teinak an hmuh lai tiah a fiang cang tiah Chin World media nih a tarlangh hi a si.
Falam peng chung dihlak zongah NLDd nih teinak hmuh ding a fiang ngai cang tiah Chin ramkulh NLD chairman Pu Zo Baawi nih Chin World media ah a chim ti si.
Hi khuapi pathum chung in mee hmun hnakcheunak tam an rel hnu ah tuak tanmi a si i, Hakha khualipi chung ahhin NLD mee cazin an hngak ko rih ti zong in Chin World media nih a tarlangh hi a si.
Hi ti ning cun Falam peng CNLD in kan zumh ngaimi Pu No Than Kap le Thantlang peng CNLD in kan zumh ngaimi Pi Chin Chin Pekthang hna caah ruahchanhnak tlawm dawh a si cang.
Hi result nih a langhtermi cu Laimi (Chinmi siloin) nih miphun party kan tanh an timi hi a parpavuan lawnglawng a si timi a langh ngaingai. Hi khuapi pathum nih peng dang zohchunh tlak um ding a si nain atu cu aa bing taleh cang ko hi.
Ref: Chin World
Leave a Reply