Breaking News- Halkha Ralhrang Bawi Rual Le Krihfa Biaknak Lei Upa Hna Meeting An Tuah

Nihin June 30, chunhnu ah Halkha ralhrang bawi rual le Krihfa Biaknak lei upa hna cu, Thantlang le a peng tunmer, remhsiam dingah le Covid rai kongah meeting kan tuah tti tiah ralhrang nih thanhnak an tuah. Halkha Krihfabu in zei Krihfabu ti le Pastors hna min bel an thanh chih lo.crd-salai william HC, Thawng dang relchap- Mindat Ah SAC Ralkap Anmah le Anmah An I Kap 3 An Thi,

Chin ramkulh, Mindat khuapi ah SAC ralkap Khah- Lah- Yiah 274 kam meng 4 tlang ah June 29 zan ah SAC ralkap anmah le anmah bia i elnak a chuak i an i kap, minung pathum an thi, hliam tuarmi zong an um tiah CDF Mindat nih nihin June 30 ah cathanh an chuah. Nizaan CDF – Mindat le SAC ralkap kahdohnak ah SAC ralkap pali an thi, CDF – Mindat ralkap pakhat hriamngan kuan nih a khen i a nunnak a liam, pakhat zong hliam a tuar tiah an langhter.crd-the chin post.

Thawng dang relchap- SAC nih ti lam a phih ruangah Paletwa mipi hna harnak an tong, 2022 June 29 – Chin ramkulh, Paletwa ah Arakan Army (AA) le SAC ralkap karlak entainak a karh ṭhan i SAC nih Kaladan tiva chung umkalnak rii a khiah caah harnak ton a si tiah khuami hna nih RFA ah an chim. Paletwa le Matupi pehtlaihnak lam cu fur caan ah umkal a har bantuk in hramhram in uknak lak a sihnu ah CDF he a cangmi kahdohnak ruangah cu lam cu hman khawh a si ti lo.

Cucaah Kaladan tiva in kal khawh a simi Rakhine ram cu Paletwa peng ah hngatchan bik a si. A luancia May 26, Paletwa peng ah AA le SAC ralkap karlak ah kahdohnak a chuak hnu in Kaladan tiva hmang in umkalnak cu SAC nih a phih tiah khuami hna nih an chim. Ti lam in kal kan duh a si ahcun, SAC le mipi nawl ngeitu sin ah zarhkhat tuan in nawl hal cia hnu lawngah kal khawh a si tiah an chim.

Paletwa in Rakhine ram Kyaukdaw khua hi a hlan ahcun zarhkhat ah voihnih tilawng a kal kho nain atu zarhhnih chung cu kal khawh a si rih lo tiah min langhter a duh lomi pakhat nih RFA ah a chim. SAC nih nawl a awn lawngah ti lam hi kal khawh a si caah Paletwa khua ah chiti, Facang, cite man a kai tuk i harnak kan tong. A hlan ah facang tun khat ah 50,000/- a simi kha atu ahcun 80,000/- a phan cang tiah min langhter a duh lomi nih RFA ah a chim.

Facang man a kai bantuk in Fuel man zong 1 liter ah 4,000/- tiang a phan tiah a chim. SAC nih ti lam an phih caah eidin a har, khuakhat le khuakhat i tlawn a har tuk cang caah ngandamnak le chiatni ṭhatni a um tikah a har ngaingai tiah Paletwa khuami pakhat nih RFA ah a chim. Milu 60,000 hrawng an umnak Paletwa peng ah minung 700 leng cu Paletwa khuachung pumpululh certual ralzaam camp ah ralzaam dirhmun in an um tiah theih a si.

SAC nih ti lam a phih caah ralzaam pawl zong eidin harnak an tuar chih tiah theih a si. Khuami hna caah vawlei tang phummi bom pawl zong ṭih a nun tuk caah harnak ton chin a si. Riikhiahmi hmunhma pawl le bom puah te pawl hna a um caah lo zong zalong tein kal ngam a si lo tiah Paletwa ralzaam pakhat nih RFA ah a chim.

Paletwa pumpululh certual ralzaam camp ah aa dormi nu pahnih cu eidin a har i mehhang an kawlnak ah bom an i lamh sual caah fak ngai in hma an pu tiah a chim. Khuami hna nih an i hngatchan bikmi lam a phihmi hi SAC nih nuhrin covo a buar a si tiah Chin Human Rights Organization (CHRO) Director Za Uk Ling nih a chim. A luancia May thla dongh lai hrawngah AA le SAC ralkap karlak kahdohnak a chuah hnu in atutiang kaphnih kar entainak a fak i a pawngkam khua ah kaphnih nih hmunhma an khuar tiah RFA nih a langhter.crd- The Chinland Post.

Leave a Reply

Your email address will not be published.