July 28, 202, Kawlram gospel hla tial le sak thiam Saw Win Lwin a zual, Kawlram chung ah khrihfa thangthatnak hla pawl tampi a tial i a sami Sya Saw Win Lwin cu a thluak lei dam lo ruangah Mandalay siizung a phan tiah theih a si. A zual ngaingai. Anih hi atu lio Kawlram chanthar gospel songs tial tam bik pawl a si.CCN
Thawng pang dang relchap; July,29,Thantlang Peng, Vanzang Khua Ah Inn Kaang, Thantlang peng, Vanzang khuachung ah inn a kaang tiah thawng kan theih. A tu inn a kanghnak hi Vanzang khua i tlanhrawn sang ah a ummi, Pu Thawng Uk Cung le a chungkhar hna inn asi. Pu Thawng Uk Cung inn a kangh hi zinglei sml 4 in 5 kar ah asi.
Zeiruang set i a kangh cu kan fiang lo nain, vokrawl chumhnak in ai thok lai tiah kan zumh ko tiin khuami pakhat nih a chim. Innchung thilri hi chuahmanh asi lo hlei ah, an innpawng i inn pakhat zong tlawmpal a kanghchih ko nain minung cu ai hliamkhawng mi an umlo”. Inn ngeitu hna Pu Thawng Uk Cung le an nu Pi Dawt Sung Cia hi an nupa in loram ah an riak i an fale pathum hna cu an pi/pu le sinah an chiahtak hna.
Vok rawl zong cu, an pi/pu le nih an chumhpiak mi hna asi tiah min langhter a duh lomi pakhat nih The Chin Now sinah a chim. Vanzang khua hi inn 100 in 120 karlak kan si. Ahlan lio zongah kan khuachung ah hin, inn thum a rak kaang bal cang tiah a biapeh ah a chimchap.crd-The Chin Now.
Leave a Reply