Sidiyian rallokap Sakhan KIA nih an kah hna rallokap 2 an thi,an sakhan an khangh Kachin ramkulh Nam-ma-Ti peng Sidian khua pawngah rallokap sakhan cu KIA nih an kah hna i minung 2 an thi i an sakhan zong mei in an khangh tiah theih a si. Hriamnam cheukhat zong an lak piak hna tiah khua mi pakhat nih a chim.
Mah an sakhan cu tu zingka ah KIA nih an luhhnawh hna i zing suimilam 4:00am in Suimilam 6:00am tiang an i kap. Rallokap hman mi hriamngan nih a khenh mi kum 50 leng a si mi khuami U Kyaw Moe cu a nunnak a liam. 30 July zinglei zong ah Winmawaw,Mukuang pawngkam um rallokap sakhan hna cu KIA nih an luhhnawh hna i an kah hna.TCP
Cadang relchap; Yangon lamzawh mi hna hrem tlaih an tong, Yangon,Tamuai ah nihin July 30 ah tuahmi ralhrang rallokap uk duhlo langhter lamzawhnak ah ralhrang rallokap phu hna nih lamzawh mi,mino cu thencheu in tlaih mi zong an um tiah lamzawhnak ah a tel mi,mini pakhat nih a chim.
Nihin Tamui, Yangon lamzawhnak ah thencheu kan tong,tlaihkhih a tong mi zong an um, lam cung zong ah an tuk velh hna.Hmun kakhat ah a chuak kho rih lo mi zong an um rih, tlaihkhih a tong mi ah a ho te dah an si ti cu fiang in kan thei kho rih lo” tiah lamzawh nak ah a tel mi,minung pakhat nih a chim.
Atu tiang ah ralhrang rallokap phu hna nih lam an phih i, mi tlaihkhih nak an tuah tiah theih a si i, thilsining fiangten theih khawh nak ding ah hlat cuahmah lio a si tiah Khit Thit Media nih an langhter.crd-the chin post.
Leave a Reply