Breaking News: Laitlang Lei Ah Ralhrang Tam Taktak Kai Than An I Tim

Sept 14, tuzanlei ah Kalaymyo ah khualtlawnnak vanlawng in ralhrang tam ngai an phan! Laitlang lei a kai ding an si tiah Kalaymyo ummi kan hawile sin in kan theih! Ralhrang hi khoika a rami dah an si? Kalaymyo ah an caam lai maw? Laitlang lei dah an kai colh lai tibantuk fiang in kan thei kho rih lo! Crd- the chin post

Thawng pang dang rel chap: Nizaan september 13 ah tuah mi voi 13 nak Kekong – Japan chawlehnak vuanci hna meeting ah Japan cozah economy, trade and industry minister Hiroshi Kajiyama nih ralhrangbu cu ASEAN palai a ran khawh chungin luhter dingin a forh. Japan chawlehnak vuanci Kajiyama nih Japan cu ASEAN tonpumhnak nih hnatlaknak a ngeih mi 5 ningin Kawlram chungah ralhrang cawlcanghnak ngol ding le tonbiaruahnak ngeih dingin kan duh.

Cucaah, ralhrangbu nih an tlaih mi hna thlah ding le ramchung ah democracy zauk phung a ran khawh chungin sersiam ding le ASEAN special envoy cu a ran khawh chungin luhter dingin a chim. Mah meeting ah hin Mekong Industrial Development Vision 2.0 a tlamtlinnak ding le Mekong- Japan tuanti nak a that chinchin khawhnak caah tuah mi a si.

Mah meeting dih in ASEAN chungtel ram hna le (Japan, China le Korea) hna telin tonbiaruahnak ngeih than a si i, a hleikhun in covid-19 ruangah chawlehnak nih a tuar mi kong ceih a si. Meeting ah ralhrangbu aiawh in a kai mi chawlehnak vuanci U Aung Naing Oo nih Shweli – Muse chawlehnak lam honpiak dingin Taluk sin ah a nawl tiah theih a si. Crd- the chin post

Thawng dang: Magway Khua USDP Zung Hmai Ah Bomb A Puak I ngakchia Pakhat Thi! Magway khua USDP zung hmai ah September 14 zing suimilam 8:00 hrawng ahkhan bomb a puak i kum 5 tluk a simi ngakchia pakhat a thi i pakhat hliam a tuar tiah theih asi. Bomb puah ruang ah USDP zungkam i Kunya dawr ummi ngakchia kum 5 hrawng cu a hmun ah a thi colh i midang pakhat cu a paw le a ke hna ah hliam a tuar.

Bomb a puah tlawmpal in Magway khuachung dih lak ralhrang nih an phihkhar dih tiah khuami pakhat nih a chim. Magway – Minbo tlawnkalnak hlei in ralhrang nih lam an kham i chekhlat nak an tuah cuahmah pin ah Magway khuachung ah rakhrang mawtaw an khat, tiah Khet Thit Media nih a tial. Crd- the chin post

Leave a Comment

Leave a Reply

Your email address will not be published. Required fields are marked *