Nihin September 29, zinglei suimilam 10:13am hrawngah Mandalay ramthen, Chan Aye Thar San myone, 78 lam le 79 lam kar, Mandalay Budagyi (Mandalay railway station) ah a dir liomi tlanglawng a tuai pahnih cu mei nih a kangh caah Fire Force Department in Level 1 meithattu motor phu nih mei an hmit i zinglei 10:23 am ah an hmit dih khawh tiah Myanmar Fire Sercive Department (MFSD) nih thawngthanhnak a tuah.
A video chung hmuh ningah meikangh hi cu tluk in a zual lo i tlanglawng tuai chung in meikhu a chuah hluahmahmi cu hmuh khawh a si. Tuanvo ngeitu Fire forces pawl le mipi an i bawmh i mei an phalhmi hmuh chih khawh zong a si. Source nih zeitin dah mei aa thok ning a si timi an langhter chihmi a um lo caah meikanghnak ruang hi theih fian a si rih lo.
Tu lio hi Kawlram hmun cheukhat ah ti a lianh hi Fire services Department pawl an an bawmhnak tete an facebook cahmai ah hmuh len khawh a si. Cu ti ti liangh tlunh lio ah hi bantukin meikanghnak a chuakmi hi mi nih hramhram in khangh hrammi zong a lo. Nain a kangh khawhnak ruang cu a cunglei langhter cang bangin theih a si rih lo.
Hi tlanglawng tuai i hman liomi maw a si loah an chiah sawhmi timi zong source nih a langhter chihmi a um lo. Nain an a video chung hmuh ning ah an hman liomi si dawh a si. A tangah meikangh lio le tuanvo ngeitu hna le khuami an ibawmh i mei an phalh lio video zoh chih khawh a si.
https://www.facebook.com/aung.z.min.37625843/videos/351223686224870
Video: Aung Zaw Min
Leave a Reply