Breaking News; Minthang Thet Mon Myint Cu A Pasal He An I Then

Myanmar ram chungah Chin mi nih lamcangthiam mithang kan I ngeih mi Thet Mon Myint a pasal he an I then tiah thawng a leng. Mah kong hi a hmanh taktak maw ti cu kan nih zong kan thei ve lo , nain kawl media nih an lang ter caah kan van lang ter ve. Kawl media nih an lang ter nih ah cun lamcang thiam Thet Mon Myint cu a pasal nih pa dang a duh tak (Nu si lo in) caah a pasal he an I then tiah an lang ter. A pasal kong he pehtlai in Thet Mon Myint zong nih a hmanh le hmanh lo timi thawng a fiang ter mi a um rih lo.

Thawng dang: 2022 June 22 – Chin ramkulh, Mindat peng chungah SAC ralkap nih mipi pawl an umnak khuate hna ah hriamngan in a kah tawn tiah Mindat peng mipi uknak phu nih an chim. June 20, zaan sml 10 ah Mindat khuachung ah a ummi SAC ralkap pawl cu Mindat nitlak lei Pukun khua ah hriamngan in voi 2 a kah i mipi inn cheukhat a rawk i khuami hna himnak hmun ah an zaam tiah CDF-Mindat nih a thanh.

Mindat mipi uknak phu in biachimnak nawl a ngeitu Ko Yaw Man nih SAC ralkap pawl cu June 15 thok in Mindat chaklei le thlanglei ah a ummi khuate hna ah hriamngan in an kah lengmang, June 16 zongah SAC ralkap nih kah ruangah chaklei Muitwe khuami 3 an thi i 3 an i hliam tiah The Irrawaddy ah a chim.

Muitwe khua a kah lioah mi 3 an thi colh. A thla lawng a si rihmi hngakchia telh in minung 3 bom nih a khen hna i an i hliam. Mipi inn 20 a rawk. Inn 4 hi cu a rawh dan a fak tuk. Muitwe khua an kahmi hi cu khuachung tla hrimhrim ding in an i tinhmi a si. Tlanglo a ṭuanmi pawl thi dih hna seh tiah an kahmi a lo. Mindat ah a ummi SAC battalion 274 chungah 105 MM an chiah cu. Mah pawl khan kap sehlaw a lo”.

CDF Mindat nih Mindat khuachung ah SAC nih hmunhma an khuarnak 3 cu June 14 ah thazang tampi in phu 3 ṭhen in kahdohnak an tuah i bawmhnak pek ding in a raami pawl zong an kah chih hna. Kahdohnak chungah SAC ralkap bawm ding in a raami pawl kha CDF- Mindat nih an bawh hna caah kahdohnak a hruaitu captain 1 a thih hnu ah SAC ralkap nih khuate lei ah hriamngan in a kah lengmang hi a si tiah Ko Yaw Man nih a chim.

Kan theihmi thawngpang hi a fiang cu a si lo. Mah captain pa hi Mindat hmunhma a thei ngaimi a si tiah an chim. Lai le kawl cawhmi a si. Kanmah lei hmunhma umtu ning le lam pawl a fiang tuk. Mindat khuachung ralkap nih cun a mah an i bochan tuk. Captain a thih ruangah Mindat khuachung ah a ummi Colonel cu a thinhung lengmang.

Ka bochantuk mi pa a thi cang tiah a rit hnu cun kap uh, a thimi thi hna seh tiah kah thlorh in a kah ter hna an ti. Voikhat kah ah voi 6, voi 7 hrawng an kah” tiah a chim. SAC ralkap le CDF-Mindat karlak ah entainak a fak i khuachung ah SAC ralkap nih thazang 300 hrawng a chiah tiah Mindat mipi uknak phu sin in theih a si.crd- The Chinland Post.

Leave a Reply

Your email address will not be published.