Breaking News- Naitan Tonnak Nih Mipe Le CDF Tar Bawinak A Chuah Pi Cang Hih

Nizan tihni ah Thantlang upa/Pastors /le ralhrang bawi hna nih TT kir tthannak ding kongah caih hmainak an tuah.Pu Ram Khar fianter mi ah cun ” kir usilaw kan him lai maw,security lei ah” tiah Uitum sinah halnak tiang an tuahnak a post kha si. Mah TT upa le pastors hna an itonnak ah ralhrang bawi an lunglut ngai rua le,nizan ah khan,Thantlang mipi nih TT an hlam le kirnak kong he pehtlai in,

Halkha Pastors te cu ralhrang nih an auh hna i tonnak an ngeitiah theih si. Mah i tonnak cu zei btk tonnak dah ti siloin Thantlang kongkau kirnak kongah a si hoi. Thantlang upa le.pastor hna tonnak a dih sinin Thantlang innlo khaang le duah dih tucu CDF an si tiah ralhrang nih HK khuachung aj ca an taar colh hi si.crd-salai william HC.

Ca dang deuh relchap- Awlokchongmi Ralhrang nih Hmunhma Sersiamnak le Upa Min Hmang in Lungṭhennak An Tuah, 2022 July 2 – Hakha khualipi ah a dormi Thantlang khuanu/pa, upa le biaknak hruaitu cheukhat Chin ramkulh Ralkap uknak hruaitu (SAC) nih an cozah zung ah tonnak an auh hna i, June 30 ah SAC lei upa le Thantlang khuanu/pa tonak an ngei.

Ralkap SAC upa nih tonnak (meeting) ah ngeihthlem in an thuat hna, an ambush hna. Kawl ngian le Ralkap ziaza an hman. Hi tonnak kong ah, Social Media chan a si bang, khulrang ngai in Online ah soisel colh a hun si. Asinain, zeitindah thil a can ning a si timi ṭha tein thanh chih le hlatchih nak he ṭialmi bel a tlawm deuhmi hmuh khawh a si. Tonnak hmanthlak le soiselnak bel cu Facebook cahmai ah a hun karh ngai.

Tonnak ah a telmi sin in, “Thantlang khua-uk hlun Hakha ah hrambunh mi, a um mi pakhat nih, Hakha khuasa Thantlang khua upa pakhat auh i, Zung ah tonak ngeih ding a chimh nak in a cangmi a si. Amahbel, Thantlang sersiam Ṭhannak kong a si lai le zei kong set dah caih a si lai timi an chim cia hna lo. Tulio nawlngeitu (hramhram in a va si ko zongah) nih an auhmi hna i, ‘Aw e, nawlngeitu pei an si fom cu…’ tiah hei kal deuh dawh khin theih a si.

Asinain, cucu mizapi nih buaipi tukmi a si ti lo ai. SAC he an i tong hrimhrim timi in upa tu mawhphurhter an si. A taktak ah kan tuakchih lomi cu, Ralkap nih an ngian in an zerṭian an chuah mi a simi kong hi a si. A taktak ahcun, Mipi lung i ṭhennak ding “Divide & Rule” timi kan lungthin ṭhencheuter i, fawi deuh in uk khawhnak ding a lam an i tuahmi a si. Zeitin hmanh lem le sawmnak an tuah khawh lo caah, an zerṭian an chuah mi a si kan ti khawh.

Tutan, Meeting chung sining a theimi nih, anmah Ralkap nih cunglei i ripawt an tuah awk men khi a si ko lai dah. Zapi an phanh hnu in, Thantlang sersiam (reconstruction) ṭhannak timi catar an hun thlai chom le, PowerPoint projector in Thantlang kong caih ding a simi an hun langhter chom hnu lawng ah, Meeting ah tel ding an sawm mi hna nih an theih chom mi a si, tiah an chim.

A zei a si poah ah, cucu an khuaruah ning ah fianglanghnak (transpercy) a um lo zia a langhnak le cunglei rumro (top-down) khuaruah in an ruahnak a langh khun nak a si. Cucaah, Ralkap nih Thantlang upa cheukhat hramhram siloah ngaihthlem in an thuat hna, an ambush hna i, anmah hlawknak caah an hman hna lawng silo in, kanmah mipi karlak ah thinlung thennak an tuah duh caah a si.

Cucu, awlokchong le vansang in an umnak a ruang ah a si. Chin ramkulh cu an uk khawh lo le pen khawh lo khi vawleipi nih theih a si ko. Cucaah, ASEAN AHA Center nih tawlrel in bawmhnak pek dingmi Ralkap nih a tlaktlak dingmi zong Chin ramkulh cu an pek ngam lo caah, telh lo a si. Cucu, Chin ramkulh kanmah tein kan dirnak a langhnak a si.

Chin ramkulh SAC nih an rianṭuannak, an meeting lio hmanthlak Online ah an thlah bal lo khan a si. Tutan ah, Chin ramkulh cozah tang ah ummi thawngzamhnak (pian-cia-zi) nih anmah cathanhnak Facebook Page hmang lo in, a chung rianṭuan mi nih, a deu in a thar an ser mi “We Love Chin State” ah hmanthlak cu ṭha tein an langhter dihmi hmuh a si.

Cucaah, timh ciammam tein an tuahmi a si tiah kan ti khawh le ruahdamh khawh a si. Cucaah, kanmah le kanmah karlak ah soiselnak hi hrial deuh in, Ralkap SAC a thluak a simi hi kan fian ah a ṭha. A cunglei ah ripawt ding men le vawleipi hmai ah a herh ning bang, Thianchehnak ah an hman ding mi phun a si zong ruah chih a hau fawn.

Mahbel, thil pakhat a um ve mi cu, Ralkap nih an uknak a nun khawhnak hnga ding caah ukkhawh (control), daihter (stable) le ṭuanchuah (implement) timi a dotdot a bawmtu a simi thil ah cun, mizapi lei nih ralrin le fimkhur a hau ve hringhran. Tutan ah, mizapi (netizen) nih social media cahmai ah, mah le mah karlak ah theihthiam lonak le soiselnak silo in, Ralkap nih kan thinlung an kan ṭhencheu duhmi a si timi i fian in, hmailei ralrinnak tu ah hman ah a ṭha ding mi a si,crd- The Chinland Post.

Leave a Reply

Your email address will not be published.