Breaking News: Pu Lallawmpui Dirhmi Lai Media The Hakha Times Facebook Page Admin Report A Tong

Pu Lallawmpui dirhmi kan Lai media thar The Hakha Times Daily  Newspaper facebook page Admin cu report a tong caah page phit chun a si lai tiah an official facebook page ah an tarlangh. The Hakha Times media cu The Hakha Post in Pu Lallawmpui a chuak hnu ah a thar in dirh thanmi Lai media thar a si.

The Hakha Times media thar dirhnak caah GoFundMe in bawmhnak an kawl i bawmhnak zong tam lak te an hmu cang tiah theih a si. Nain page Admin report a tong tikah Page hman khawh ding a si ti lo caah tu bantuk in delete an timh  hi a si. The Hakha Times facebook page phit chunnak kong he pehtlaih in a tanglei bantukin thawngthanhnak an tuah hi a si.

Mizapi sin nawlnak;

A kong: The Hakha Times Facebook Page kan delete chuung lai

A cunglei biatlangg bantuk in The Hakha Times facebook page cu September 29 ah kan ser. Ramchung ramleng in minung 3365 nih Likes nan kan pek manh. Shares zong tampi nan kaan shared piak manh caah kan i lawm tuk hringhran. Asinain, a tanglei ruangg ah hin kan delete lai  i a thar in kan hnun ser than lai, tiah theihternak he zaangfah kan in nawl hna.

1. Kan page cu October 2 zaan ah mi pakhatkhat nih maw, a phu nih maw, kan Admin a facebook account cu Facebook company sin ah report an tuah.

2. Cucaah, atu kan page hi hman thai awk a that lo caah kan delete lai i, a thar in kan hun ser than zau lai.

3. Caan pek in siseh, phone bill dih in like le share a kan tuahpiaktu nan dihlak nih nan kan ruahthiam naklai zaangfah kan innn nawl hna.

4. The Hakha Times Facebook Page thar kan ser mi tu ah na caan siseh, na chawva he Like le Share in nan rak ka bawmh rih naklai zaangfah kan in nawl fawn hna.

5. Cun, a rauhhlan ah Daily Print siseh, Website siseh, Youtube siseh, Facebook page siseh, mi zapi nan sin ah kan rak phan zau lai.

6. Ramchung ramleng in dawtu nan dihlak nih nan kan dirkamh rih ram u, tiah kan in nawl hna.

The Hakha Times Chungkhar ai-awh in; Pa Pui ( CEO, The Hakha Times, Hakha, Chin state); Salai KB Thawng (Chief Editor, The Hakha Times, Hakha, Chin state).

Credit:  The Hakha Times

Leave a Reply

Your email address will not be published. Required fields are marked *