Ramkulh/Ramthen Inn Hngak Cozah Chief Minister le Minister pawl min an thanh. Uknak Chuttu Ralkap nih Ramkulh/Ramthen Inn Hngak Cozah cu: Chief Minister, Minister pawl, Upadi Bawizik tel in minung pariat in an ser.crd-the hakha post.
Cadang relchap; Kani ah khuami tlaih a tongmi 12 an thah hna,thah a tongmi minung 60 leng an si cang, Rallokap nih tlaih in an kalpi mi hna mipi minung 12 cu Sagaing ramthen Kani peng Tawngpoh khua pawng ramtang ah a bupi in an thah hna cu July 31 ni ah kan hmuh hna tiah khuami nih an chim.
Khutun khua pa pakhat nih Kanmah Tuangpoh khua hmailei ah an thah hna.Tu ah Kani in pa 3, Khutun khua in pa 2,Tayataw khua ah pa 7 an thah hna. Kum 14 ngakchia zong an thah chih. Anthah hna hnuah anruak cu an chungkhar he kan kawl hna i kan hmuh hna” tiah a chim.
An thahmi chungah hin minung 3 hi cu an tuk an velh hna hnu ah an thah mi ko khi a lo tiah khuami pakhat nih a chim. Pa 3 cu an tuk an velh an hrem hna hnu ah an thah men lai.An hmai an pum hna hi an duk dih i hma in an khat i an lu le an taang ah meithal hma a um. A dang an ruak zong mei in an khangh hna .
A luancia July 26 ah khan Kani peng a hnulei Htoo khua pawng ah PDF le rallokap kar kah nak a um khua pawng ah an hmuh mi sualnak ngei lo,riantuan mi hna cu an tlaih hna i an thah hna tiah khua mi pakhat nih a chim. Kani peng Chuangmah khua pawng khua pakhat zong ah July 31ni ah rallokap hna cu an phan i khuami chung in PDF an um lai ti ruahnak in.
Hraimngan le hriamhme he an kah hna i inn chung ah aa thup mi kum 12 ngakchia pakhat cu a ban ah an khenh tiah khuami pakhat nih a chim. Tu lio caan hin zei bantuk sizung hman ah kan kal ngam lo .Kan khua tlanglei zong ah rallokap nih umhmun an khuar .Tu cu zohkhenh a thiam pah ve mi hna sin in kan zohter i kan i thlop.A ruh cu a kiak lai ka zum lo.
Kani peng chung ah rallokap nih thah in a thimi sualnak ngeilo mipi hna cu Zinn khua ah 17, Chuangmah khua 1,Tamin Chen khua 1, Nga Phioh khua 1, Chiang Kung khua 3,Mih Chuang Toe khua 2 ,Yi Pin Toe khua 25 le July 31 ah hmuh mi minung 12 hna hi an si tiah theih asi.crd-the chin post.
Leave a Reply