Myauk U Peng Sianginn Pakhat Ah Siangakchia Minung 10 Hrawng Thaw Chuah Kho Loin An Um Caah Sizung An Phan, Rakhine ramkulh, Myauk U peng Kwaytae, khua siangsangrun ah November 23, zinglei ah nu siangakchia 10 hrawng cu hmakhat te ah thaw chuah kho loin an um tiah theih a si. November 23, zinglei sianginn an kai lio ah Grade 9 siangakchia pakhat cu thaw chuah kho loin a um.
Cu tlawmpal ah midang siangakchia minung 10 hrawng zong thaw chuah kho loin an um, a thaw a pit mi chung ah lung zawtnak a ngeimi hna le sizung in a chuak ka mi zong an i tel tiah Kwaytae siangsangrun sianginn cachim pakhat nih a chim. Thaw chuah kho lo le thaw zat loin a um i a damlo mi siangakchia hna cu Myaung sizung ah an thlopbul hna i oxygen an pek hna tiah a chim chap.
Kwaytae siangsangrun sianginn ah a tubantuk in thil a can caah caan karlak chung cu sianginn kharchung a si lai tiah theih a si.crd-the chin post. Thawng dang rel chap- Sagaing ramthen,KhinOo peng Munghlah khua / YeOo peng Pinsaine khin khua le Kantbalu pengchung Kyisuh khua hna cu nihin chunhnu ah SAC nih vanlawng in ralser tukdohnak a tuah leng ah vawlei lei in kee ralkap nih khuachung mipi inn hna cu mei in an khangh tiah theih a si.
SAC nih nihin chunhnu Sml 1:53 ah vanlawng hmang in a kah hna cu a si i,Pinsaine-khin khua chung an luh pah ah hriamngan in an kah len leng ah KhinOo peng Munghlah khua cu Vanlawng in an kah tiah theih cu a si. Cun Nizan zing Sml 8:08 am ah khan Pinsinekhin khua hlun in a ra mi SAC ralhrang rual cu Mipi ralkap KhinOo B-3 LGRF le an tantii hawi hna nih an rak kahdoh hna i ralhrang (10) reng lo an thih nak theih chih a si. Nizan kahdohnak chung ah ralhrang kah mi hriamngan ruang ah Nu pakhat a nunnak a liam i,mipi ralkap pahnih hliam an pu tiah theih a si.crd-chin 24.
Leave a Reply