Nizan October 13 ni zantim suimilam 12 hrawngah tamhnak dawr (Beauty Parlor) a kangh i a minung 5 an nunnak a liam tiah theih a si. One News Myanmar le Swelsone News hna nih an tarlangh.
Thil sining cu Mandalay khualipi, Chan Aye Thar San myone, Pyae gyi Pyawbwe nichuak sang, 35 lam, 65 lam le 87 lam kar a ummi tamhnak dawr (Beauty Parlor) le Beauty Parlor he aa pehtlaihmi sii zuarnak dawr cu nizan October 13, zantim suimilam 12 hrawnghrang ah mei a kangh i minung 5 an nunnak a liam tiah fire force chungtel Ko Thitsar nih a chim.
Beauty Parlor dawr tang i electric mei bunhnak a linh tuk caah meikangh aa thok i Sofa thutdan cung ah meitil a tlak caah hi tluk meikangh a zualhma mi si tiah source nih a langhter ning in theih a si.
Cu meikanghnak ruangah dot hnih inn pakhat mei nih a kangh dih i cu chungah a ummi nu 4 le ngakchia 1 meikanghnak in an nunnak a liam tiah theih a si. Athimi hi Myaelat Tharlay nih a langhter ning ahcun ngakchia 2 le upa 3, an zate in nu lawngte minung 5 an thi tiah a tarlangh ve.
Cu meikanghnak cu meithatnak motor 10, Okchohhmuh motor 3, ti phurnak motor 5, meithattu commando 36, le a bawmtu minung 66 nih mei an phalh i an hmit khawh tiah theih a si. A tanglei ah cu mei an hmit lio video zoh khawh cio ding in tar chih a si.
https://www.facebook.com/100024219498814/videos/806418510175458
Ref: Swelsone News, Video: Myaelat Tharlay
Leave a Reply