Breaking News: Thangaw Khuami Nu Shwe Aye Cu A Chuak Cang

Tlaih in hren mi Thantlang Peng Thangaw khuami Shwe Aye a chuak cang, March 3 ah tlaih mi Thantlang Peng Thangaw khuami Shwe Aye cu March 24 chun ah Insein thonginn in a chuak cang.

Amah lawng si loin a thi cang, tiah ruah mi Mang Suan Khai zong a luat i dam tein a nulepa sin (inn) a phan than cang. March 24 chun hrawng ah hin Insein thonginn in minung 700 hrawng an chuah hna, tiah theih a si,crd- the hakha times.

Cadang relchap: Yangon N. Okkalar kahnak lio ah a phei (el) ah meithal in an kah i a thi, tiah thanh mi Mang Suan Khai cu March 24, chun suimilaam 11:00 hrawng ah inn a phan than, tiah Zomi Gen Y&Z 21 facebook cahmai ah an tial.

Suimilaam 11:00 hrawng ah a hung phan. Kan i lawm tuk. Sakhaan le sii-inn kip kan kawl tik ah kan hmu lo. A ruak kan hmuh lo tik ah mi chimnak kha kan rak zumh sual. A ngaingai cu, Ralkap sii-inn/thonginn sii-inn ah an rak chiah kan rak thei lo.

Amah he March 24 zinglei ah Insein thonginn in minung 700 hrawng an thlah hna ti zong kan theih. A phei ah an kahnak meithal hma zong a sano an corh i a dam ngaingai ko,” tiah Mang Suan Khai a pa nih a chim. (Chin World)

Mang Suan Khai cu a thi, tiah thanh a si bantuk in Khrihfa phung in March 7 lio ah thlacam thlahnak (ruakvui bantuk) tuahpiak a rak si cang, crd- the hakha times

Leave a Comment

Leave a Reply

Your email address will not be published. Required fields are marked *