Thantlang ah ralkap nih Cung Bawi Lian cu CDM a tuahmi ralkap he naa pehtlai tiah an tlaih , 2021 March 10 zaanlei suimilaam 6:00 tluk Thantlang khuapi chung ah ralkap nih Cung Bawi Lian an tlaih tiah theih a si. An tlaihmi kong he pehtlai in Thantlang khuami pakhat nih, “Atu an tlaih hi zaanlei suimilaam 6:00 hrawng ahkhan a si.
An tlaihnak a ruang hi pawngkam minung nih an chim ning ahcun, “Tunai Thantlang ralkap CDM a tuahmi he nan i pehtlai,” ca an ti tiah an chim. Biafiang cu kan thei ve rih lo,” tiah a chim. An tlaih mi Salai Cung Bawi Lian hi Thantlang khualuhnak hauka Laipawng lung i dawr a hngak mi a si tiah kan theih.
Atu hi Thantlang mino minung 90 in 100 kar i pum in kan thlahpiak uh ti hal ding in palek sakhan lei ah an kal lai tiah kan theih, crd- The Hakha Post.
Thawngpang dang relchap: Nihin Hakha mizapi lamzawhnak pawng i ralkap nih an velh hnu ah an tlaih mi kha kanmah Laimi si loin kawlpa a si. Cun, atu an tlaih mi pa kha kawl a si lawng si loin ralkap a tla bal mi a si. An tlaih lio ahkhan zu a ri. Amah nih a hrocer hna ca ah an tlaih mi tu a si.
Atu cu an thlah than cang. Mizapi nih nan lung rak kan hrinh hram hlah uh tiah kan in nawl ko hna. Kan ral a chiat ruang ah a si lo. Thil kal ning zoh hmasa peng kan hau. Kan tha zong rak chia fawn hlah usih, crd-Hakha Campaign For Justice.
Leave a Reply