Chin ramkulh Thantlang khuapi ah ralkap pension pakhat nih kut in serchawmmi bomb in chizawh a chehnak ah bomb a puakmi cu kherhhlainak an tuah hnu ah a puak khomi thilri tampi an hmuh chap i an tlaih tiah palik phu sin in theih a si.
Thil sining cu nai September 20, zanlei suimilam 9:30 pm hrawngah Thantlang khuapi, No. 1 sang chung i thil puak thawng theih a si caah tuanvo ngeitu hna nih kherhhlainak an tuah. Cu ti cun No. 1 sang, siizung lam pawng i inn a hlangmi ralkap pension kum 48 minung U Kyaw Min Htet timi pa cu amah nih a cawkmi zeng in ser chawmmi bomb in chizawh a chek ruangah a puakmi a si tiah an kherhhlai khawh ti si.
Cu ti cun a inn chung an kawl chap tikah a umnak innkhan chungah lehma 9 sau, lehma 3 hrawng a pummi NEOGEL-90 cakhenh zeng dur 160, SOD seal le Special Ordinary Detonator timi cakhenh he lehma 1.5 hrawng pummi zeng dur 100 aa tlummi zeng bawm pakhat,
70 ummi zeng bawm pakhat, a zatein zeng dur 171, vandum rong pe 30 hrawng a saumi bomb hri kual 3, pe 25 hrawng a saumi bomb hri kual 1, phaisa rate in tuak ahcun Kyat 5,500,000 (sing 55) man cu a inn ah an tlaih chih tiah theih a si.
Cu kong he pehtlaih in Kyaw Min Htet cu nizan September 21 ni ah khan Thantlang palik sakhan ah case no. 69/2020, a puak khomi thilri upadi pohma 5 ning in case an tuah piak tiah theih a si.
Credit: Naing Min Lwin (Tomorrow News)
Leave a Reply