Mah hi Thantlang khua No. 3 sang ah kan naunu nih a tonmi a si. “Tuni Hakha ah rianherh ka ngeih caah Hakha kal nak ah thohkhansa ka va la. No. 3 sang khuabawi Pu Tum Bik le Dawt Tin Thiang nih tangka an ka hal. Zung lei nih thohkhansa lak ah tangkaa hal si hlah seh an ti tung, voidang ka lak zong ah an ka hal bal tung lo, zeitin dah si? Zei caah dah si’ tiah ka hal hna. Mah tha tein ka hal mi hna si, ka aw zong a ro sual loh, a pawng mi an tampi ka hawipa zong um, an theih viar ko.
Tha te le nem tein ka hal bu hna ah an ka hrociar mi si cangka in an ka hrociar, an ka tthawl. Na duh le zung ah cun va kal, na duh le Palek sin va kal, a nangmah nu cu zei ah na rel, a nangmah nu hi hna na hnawk, va chuak, chuak zok’ an ka ti ii Zung in an ka thawl.
‘Tangkaa kan pe hna la loh, kan pe kho hna loh kan ti hna si loh ee, zei caah dah tangkaa nan ka hal ti kha kan hal bia hna si’ ka ti zong ah an thinhang chin thluahmah le Pu Tum Bik nih ‘va kal kan ti cu a ka ti le, cauk a tengh, tidur aa lak le tuk a ka timh, ka zung si, ka nawl si, va chuak’ a ka ti.
Ka mitthli he ka si le ka holh khawh ti lo caah bia el ti lo i htwe-oke-zung ah ka kal, “thohkhansa cu in pe hna seh, tangkaa zong in hal hna hlah seh” an ti ii zung nih Phone an chawnh hna hnu ah ka va kal than ii Tum Bik le Dawt Tin Thiang cu zung ah an um ti loh.
Zung ii a thumi midang pa tu nih caa cu tha tein a ka tial piak le a ka pek. Ka lungfah mi le ka theih duh mi,
1. Bia fakfak in an ka hrociar le ka mitthli an ka thlak hnu pi ah zung thilri caah si, mah caa pawl hi a lakkaa si loh hih’ an ka ti. Cu ti si ko ah cun ziah ka hal lio hna ahkhan tha tein an ka chimh fianh ko lo.
2. Zung thilri caah an ti le an cunglei Htwe-oke-zung nih tangkaa an laa hna hlah seh a kan ti tung. Zung a thu mi ahohmanh nih thohkhansa caah tangkaa a kan hal bal loh. Pu Tum Bik le Dawt Tin Thiang lawng nih a kan hal fawn. Si cun a kan hal mi tangkaa hi zung caah si tak hnga maw? Zei tin dah si? Acung lei bia hi kan naunu nih a ka chimh mi asi.
Credit: Salai B Lyan
Leave a Reply