Nihin November 8 ni cu Kawlram pumpi thimnak ni a si bantukin thimnak tuah cuahmah a sicang i khua cheukhat ah thimnak a fang cang tiah Hakha Times Daily Newspapar nih a phuan. Cu chungah Thantlang peng, Tluangram khuami nih Pine hluttaw in mee aa cuhmi an result ah Independent in aa cuhmi Salai Lungthli Tum nih a landslide bak in a tei dih hna hna.
The Hakha Times nih a phuan ning ah Thantlang peng Tluangram khua result cu Salai Lungthli Tum (Independent) nih mee 62, Sayama Ni Sui Lian (NLD) nih mee 5, Dr. Hmuh Thang (USDP) nih mee 2, le Saya Rung Kaw (CNLD) nih 1 tiah an hmuh cio hna. Hi Tluangram khua ah cun Salai Lungthli Tum nih a tei tuk hna. Nain Leitak khua resulh ning cun, Salai Lungthli Tum nih mee khat te hmanh a hmu lo tiah The Hakha Times ning in theih a si.
Salai Lungthli Tum hi mee aa cuhnak hmun ah atanglei bantukin mee ka hmu te lai lai tiah aa tuak ciami a si. A tanglei aa tuak ciami hi van cuanh ve u law, hi ti ning in a hmuh kho te hnga maw timi cuanh rih ko u sih.
Nitlak Zophei ah mee 4,300 leng a um, mee 2,500 cu kan hmuh hrimhrim lai, Zephai lawng hmanh ah mee 900 leng a um cang. Nichuah Zophei ah mee 3,000 hrawng a um i mee 800 cu kan ngah khawh lai. Mara ah mee 3,000 deng a um i a tlawm bik 1,000 cu kan ngah khawh lai.
Lautu ah mee 5,000 deng a um i Khuahrang, Thangaw, Surngen, Fanthen (Lungmari sang ah kan thawng) le Tisen ah kan thawng. A tlawm bik mee 1,500 cu kan ngah lai.
Thantlang No.3 ah mee 1,500 hrawng um i 300 hrawng cu kan ngah ko lai. Belhar, Tluangram le Tlangrua ah mee 500 cu kan ngah rih lai. Teinak mee hi 4,000 hrawng lawng a si. A tlawm bik mee 5,000 cu kan ngah lai, 8,000 cung hmanh kan ngah kho. Tei ding cu 100% a fiang cang tinak a si.
Source: The Hakha Times, Salai Lungthli Tum
Leave a Reply