President Trump cu amah zuamcawhtu Democratic Candidate Joe Biden nih a tei pinah a ca ah thawngpang chia tak pakhat a leng than. Cucu a nupi Melania nih then a timh timi thawngpang a si.
Former Trump administration aides nih Trump le a nupi Melania kar buaibainak kong a chimmi cu First Lady Melania nih President Trump cu kaltak/tthen a timh tiah a chim tiin The Daily Mail UK nih nizan Zarhpini ah a phuan.
Cu kong he pehtlaih in Former Trump aide, Omarosa Newman zong nih ithen dingin Trump nih office a chuah hi Melania nih a hngah ko tiah a ti i, White House in a chuah le cangka tein an nupa karlak cu chah colh a timh ti si cang.
Mah lawng hmanh hi silo in Stephanie Wolkoff zongnih White House ah Trump le Melania hna cu room pakhat hmanh ah um lo in room dang veve ah an um tiah a ti ve. Hi tiangtiang in Trump le a nupi Malania karlak a chiat hi khuaruahhar ngai asi. A cung langhtermi pawl chimhmi a hman ko ahcun President Trump le a nupi karlak buainak hi a rak thuk ngai tinak asi.
Cu hleiah Melania nih an fapa Barron Trump cu Trump nih a neih mi a fa ding hna ro an can dingmi bantuk can ve dingin a phut fawn. Kum 2016 ah Trump nih teinak a hmuh khan Melania hi a rak tap phah i, a ruang cu a pasal nih teinak a hmuh ding kha a rak ruah bal lo ruangah asi tiin a hawi pakhat nih cun a chim. Omarosa Manigault Newman nih hin Trump te nupa an i neihnak cu transactional marriage tiah a ti.
President in a van tlak le cangka tein a konglam hna cu dawhcah lo taktak in Media hna nih an van phozar tik ah an nupa karlak an chimmi hna hi a hman taktak ko asi ahcun an karlak hi a him lo ngai tinak asi. Trump caah cun vanchiatnak thauhhnih tinak asi lai.
Donald Trump le Melania Trump hna hi kum 2005 ah khan an rak i nei i, fapa Barron Trump an nei i, Barron hi an i neih hnu tlawmpak kum 2006 a an neih colh mi asi. Trump le Melania hi kum 15 tluk an i nei cang tinak asi. MailOnline
Credit: Hringdidel Lairam
Leave a Reply