American President Donald Trump he naihniambik in a ummi hna lakah pakhat a si ve mi top aide pakhat cu Coronavirus in a zaw caah President Trump le a nupi Melania Trump cu nizan October 1 ni khan Quarentine a chiah ve cang tiah theih a si.
Kum 31 a simi President ruahnak petu nu Hope Hicks cu corona virus positive a si ti an theih hnuah President Donald Trump le First Lady Melania cu an chek ve hna i an resulh an hngak cuahmah lio kong cu President Trump nih a Twitter in a tialmi ning in theih a si.
President’s top aide Hope Hicks cu tu zarh cawn nihnih ni ahkhan President Donald Trump he Air Force pakhat ah an cuanti i Cleverland ah an kalti ti si.
September 29 ni ah President vanlawng cung in a ttum lio ah Hope Hicks cu hmaihup aa huhmi zong hmuh an hmanthlak chungah hmuh khawh a si. Cun September 30 ni ah Minnesota ah an kalti than i cu lio ah Hope Hicks cu President helicopter chungah President Trump he naihniam tein ann thu ti ti si.
October 1 ni ah President Trump nih “Idinh loin a rian teimami Hope Hicks ah corona virus hmuh a si. Vanchiat ngai a si” tiah a Twitter ah a tial. Fox News nih phone in an chawnhnak ah a chimmi cu amah (President Trump) le Melania cu Hope Hicks he caan sau nawn kan umtti tiah President Trump nih a chimh hna.
Atu USA ah Corona virus in a zawmi 7 million leng an si cang i minung sing 2 leng an thi cang tiah theih a si.
Ref: DVB
Leave a Reply