NUG le PDF A Rauh Hlanah An Rawk Lai- Man Nyein Maung Ralhrangbu nih nawlngeihnak a lak hnu ah ralhrangbu he a kom mi Man Nyein Maung nih National Unity Government (NUG) le People’s Defence Force (PDF) hna cu a rauh hlan ah an rawk te ko lai tiah July 30 ah a chim. Ramkhel nawlngeihnak, Pumpak nawlngeihnak a umlo mi minung hna nih an dirh mi CRPH, NUG, PDF hna cu nawlngeihnak ngah ding hleiin ramkhel timhnak zong an ngei lo, ramkhel kalphung zong an ngei lo.
Mah bantuk bu cu can a rauh hlan ah an i thenthek dih ko lai ti cu thlalang bantukin a fiang mi thil a si tiah Man Nyein Maung nih a mah social media cahmai ah a tial. Spring revolution dohthlennak chung ralhrangbu a doh mi generation Z (G-Z) hna zong forh a ziak mi pawl tiah a soi hna. Man Nyein Maung hi KNU in a chuah hnu ah 2020 rampi thimnakah a cuh ve mi a si.
Ralhrangbu nih uknak a lak hnu ah State Administration Council chungtel ah a tel mi a si caah Karen Mino bu nih; Mipi zawnruahnak fangkhat hmanh a ngeilo mi ralhrangbu he rian a tuan ti mi tiin Karen mino hna nih miphun mirawitu ah an thanh cang bantukin US cozah zong nih dan a tat cang mi a si.Crd- the chin post.
Ca dang relchap; Yangon lamzawh mi hna hrem tlaih an tong, Yangon,Tamuai ah nihin July 30 ah tuahmi ralhrang rallokap uk duhlo langhter lamzawhnak ah ralhrang rallokap phu hna nih lamzawh mi,mino cu thencheu in tlaih mi zong an um tiah lamzawhnak ah a tel mi,mini pakhat nih a chim.
Nihin Tamui, Yangon lamzawhnak ah thencheu kan tong,tlaihkhih a tong mi zong an um, lam cung zong ah an tuk velh hna.Hmun kakhat ah a chuak kho rih lo mi zong an um rih, tlaihkhih a tong mi ah a ho te dah an si ti cu fiang in kan thei kho rih lo” tiah lamzawh nak ah a tel mi,minung pakhat nih a chim.
Atu tiang ah ralhrang rallokap phu hna nih lam an phih i, mi tlaihkhih nak an tuah tiah theih a si i, thilsining fiangten theih khawh nak ding ah hlat cuahmah lio a si tiah Khit Thit Media nih an langhter.TCP
Leave a Reply