NUG, CRPH le PDF bawmtu poh ralhrannak upadi in tazacuai i Dalaan poh tangka laksawng pek ding hal, SAC nih NUG, CRPH le PDF bawmtu poh tazacuai i Dalaan poh tangka laksawng pek ding le cu kong cu mizapi sin ah thanh ding in SAC chungtel hna nih August 23 ah tuah mi SAC meeting ah an hal.
Hi biatung dirh in a haltu hna hi SAC chungtel Dr.Bangyia Aung Moe, U Thein Nyunt, Mahn Nyein Maung, U Khin Maung Swe, Jeng Phang Nawtaung, Daw Aye Nu Sein, U Sai Lone Sai le U Shwe Kyein hna an si, MRTV nih a thanh.
Cun, PDF pawl raltuk a cawnpiak i hriamnam zong a bawmtu Tlangcung hriamtlai pawl kham ding siseh, atulio SAC kuttang ah rian a tuan mi hna upatnak roca pek ding zong an halchih, tiah MRTV nih a thanh. Credit-The Hakha Times.
Note-The Hakha Times au thawng relchap: Ralrin peknak: Thawng kan leh mi hi “Laica-The Hakha Times” tiin credit na pek duh tung lo ahcun copy paste i lak in nawnnok chin kan duh lo, tiah ralrin kan in pek.
Ca dang relchap; Kanpetlet ah SAC ralkap do mi bomb U Ling Sui nih aa lamhsual, a ke tanpiak, Chin Ramkulh Kanpetlet ah SAC ralkap nih an hmanh/do mi bomb cu U Ling Sui (Rtd.Police) nih August 23 ah aa lamhsual i a ke an tanpiak tiah theih a si.
Kanpetlet Semankone Sang Aungyatana pura pawng ah umhmunkhuar mi SAC ralkap nih an do mi bomb a si i U Ling Sui hi Palek pension thlahlawh a va chuah i inn a tinlei ah bomb aa lamh hi a si.Pension thlahlawh a va chuah i inn a tin ah hin motor lampi in kal law tiah pawngkam nih an chimh ko. Nain a umkal tawnnak lam penpawk (Lai lam) in a kal i bomb aa lamhsual hi a si.
Sang chung rumro bomb do le chiah hi cu a si te a si lo,” tiah khuami nih an chim.U Ling Sui cu cuka hrawng SAC ralkap sii lei thiam mi le Kanpetlet RedCross nih an zohkhenh hnu ah Pakokku sii-inn ah an kalpi tiah theih a si.crd-the hakha times.
Leave a Reply