Bredking News: Putin Nih Nuclear Hmang A Timh Cang

A poi taktak si, russia president putin nih a tunai te ah khan, Nuclear lei ruanvo ngei tu hna cu timh cia te um dingin thawng thanh nak a tuah tiah thei asi. Mah kongah chin mi chung in page pakhat a si ve mi, surbung page nih mah ti hin a langter ve: Putin cun an Nuclear ral thuam cu tuultik ih hmantheih mai ding in rak tiaraw cia thepthi ding in thu a pek.crd-surbung.

Thawng dang relchap; Russia Thil Phor Tilawngpi Cu An Tlaihpiak! Russia thil phor tilawngpi pakhat cu Febuary 26 France nawlngeitu nih tlaih in an hrenh. Beltic Leader tiah min pekmi thil phor tilawngpi pakhat cu Mirang tikulh a phak zawnah kan tlaih tiah France nawlngeitu nih an chim.

Motor tampi a phortu Russia thir phor tilawngpi cu Russia ramchung Seinh Piter khuapi leikap ah a kal dingmi a si i, a sau lei hi 127 meter a sau tiah theih a si. France ram ah a ummi Russia embassy nih cun an tlaihnak kong he pehtlai in aruang chim dingah France nawlngeitu hna cu thawng a thanh hna tiah theih a si.

Russia cungah EU nih dantatnak le phihkhamnak a tuahmi company pakhat he aa pehtlaimi a si tiah an zumh deuh ruangah atu bantukin kan tlaihnak a si tiah France nawlngeitu nih an chim. Atu ahcun France ramri hngaktu ralkap nih zohfelnak an tuah lio i, tilawng ah riantuantu hna zong nih an bawmh hna tiah theih a si.

Kawlram thawng pang relchap; Shan ramkulh chaklei Kuet Khine le Namh Phat Ga karlak ah SAC ralhrang ralkap cu tlangcung hriamtlai phu le mipi vengtu PDF i fonhmi phu an kah hna ruangah SAC ralhrang ralkap leikap ah 30 lengkai an thi tiah Ti Dih khuapi ah a ummi TNPDF nih cathanh an chuah.

Febuary 26 zanlei sml 5:30 hrawngah thil phor motor ke 12 hmangin Shan ramkulh chaklei ah thazaang tam taktakin an kal lioah Kuet Khine le Namh Phat Ga karlak ah Man Lue khua pawngah tlangcung hriamtlai phu le PDF i fonh in an rak kahmi a si tiah cathanh an chuahmi ahcun an langhter.

Shan ramkulh chaklei ah hin SAC ralhrang ralkap kahdohnak hi a tam ngaingai. Kanmah he hmaiton in kan i kahmi zong a tam ngai cang tiah TNPDF chungtel pakhat nih a chim. Shan ramkulh chaklei mipi vengtu hna nih cheklei ah thazaang tam taktakin a kalmi SAC ralhrang ralkap hna cu KA, MNDAA telh in tlangcung hriamtlai phu (EAQs) Battalion phu he pehtaihnak tuah hratin kahdohnak ningcang tuaktan cuahmah lio a si tiah a chim.

Febuary 26 zaan caan ah Ta Di-Kuet Khine karlak, Man Ping pawngkam kahdohnak ah SAC ralhrang ralkap 300 nak tam nih hmunhma an laak i, chaklei sangah pehzulh in kahdohnak an tuah tiah TNPDF nih cathanh an chuah.crd-the federal times.

Leave a Reply

Your email address will not be published. Required fields are marked *