By-Zasang Cinzah: CCI cu Mipi aw-an kha an upat i biapi ah an chiah caah, naite Miss Universe Myanmar program i hmanthlakpi man an ceih ciami cu an thlen/let bak ko. Upat an co taktak.
CCN cu an audience/ Mipi aw-an zei ah an rel lo. Mipi aw-an nakin Mitthalo pa hmunhma pek kha an ithim deuh i, iphisinnak caanrem an ser piak. CNLD ah a um tthan khawhnak ding an bawmh tluk a si. An interview result cu:
Aa phisin hnu ah “CNLD in resignation/ chuahnak ca ka ttial ko nain CNLD party ka dirhmun te an ka um peng rih ko” tiah a ti deih ko cang i, CNLD party lei in zeitindah an von von tuah te lai. “Resignation letter ka ttialmi cu SAC dirhmi UEC nih an cohlang lo” tbt lihttawn in CNLD ah ibenh thiam dawh a si ko kha.
Note:Chin/Laimi nih media ngan pakhat kan I ngei ve mi CCN le CNLD ruahnak peh Pu No Thang Kap online ton biaruahnak cu a zoh duh rih mi caah le a zoh rih lo mi caah , mah a link hi .ccnchannel.net/videos/2 hmeh click piak law a video na zoh khawh lai.
Cadang relchap; Miss Ruth Par Tin Dim @ Angelina Ruth “Miss Teen Tourism 2021″ i zuam ding in Philippines ram, July thla ah a kal lai, The Hakha Times, May 28, Miss NewFace International 2020 Winner a si mi Miss Ruth Par Tin Dim cu July thla chung ah tuah ding mi Miss Teen Tourism 2021 zuamnak ah Philippines ram khualipi Manila ah a kal lai, tiah kan theih.
Amah hi NewFace ti mi Model Agency nih tuah mi Miss zuamnak ah Winner luchin cotu a si i Myanmar ram ai-awh in Philippines ram ah kal aa timh hi a si. Philippines ram in teinak luchin he ka rak tlung kho te lai ti hi ruahchannak ka ngei ko. Aruang cu atulio kan ram buai lio ah harlefe (har taktak) in kan i zuamnak kha Pathian nih a kan theihpiak lai i teinak a kan pek lai ka zumh ca ah a si.
Cun, Chin G-Z pawl upat kan pek hna. Nunnak a pe cang mi hna zong kan upat tuk hna. Miphun le ram ca ah nunnak nan thaap mi ka hmuh tik ah kan upat khun hna. Teinak kan hmuh hlan tiang hmai ah kalti rih usih. Keimah zong mizapi nih cu hlan nakin thazaang nan ka pek i nan ka dirpi rih naklai kan nawl hna,” tiah The Hakha Times ah a chim.
Angelina Ruth hi 2020 June thla ah Modeling lei training a rak kai. City puai fa deuh mi Miss zuamnak ah Second Runner-up zong a rak hmu bal. Miss zuamnak taktak hi 2020 October thla in a luut mi a si, tiah kan theih. Miss Angelina Ruth cu Hakha khuami Pu Thla Ceu le Thantlang Peng Tluangram khuami Pi Sui Dawi (Doi) hna i an fale 5 lak ah 3nak a si. Hakha ah khua an sa.Crd- The Hakha Times.
Leave a Reply