CDF-Hakha Nih AK47 Bak In Ralhrang An Phomh Hnanak Video File A Chuak + Video

Uar an um lawlaw khah rak zoh cio uh miphun le ram caah nunnak pek ngam in ramtang ah hriam a hlaimi Hakha-CDF pasal tha hna nih AK47 bak in ralhrang an chomh hna nak video file a si, mah a link hi 4/videos/210 hmeh click piak law a video na zoh khawh lai. Thawng dang telchap -Khin Oo peng, Ba O khuami 50 hren an si, 2022 June 24 – Sagaing ramṭhen, Khin Oo peng, Ba O khuate cu SAC ralkap nih June 23 zinglei ah an luh hnawh hna i nu le hngakchia telh in minung 50 hrawng khuachung ah hren an si tiah Khuami hna nih RFA ah an chim.

SAC ralkap 60 hrawng an i tel i zinglei sml 3:00am hrawng ah khua an rak lut tiah khuami pakhat nih RFA ah a chim. “June 23 ah palik pawl thah an si caah khua ah an rak luh hi a si lai. Ba O pa pawl cu an zaam. A zaam kho lomi nu le hngakchia cheukhat an tang i tlaih an si. Khua zong naih ngam a si lo i pehtlaihnak zong a cat. Ralkap pawl khua ah an um rih ko.

Ba O khua hi palik pawl thah an tonnak Kanthit khua chaklei ah an ummi khua a si. SAC nih kahdohnak a tuah ruangah Kanthit, Gyapu, Ba O, Siputara, Paukpin khua hna in khuami 1,000 leng an zaam tiah theih a si. Khin Oo peng chungah SAC nih hriamngan in a kah tawn tiah khuami hna nih an chim. The Chinland Post.

Thawng dang relchap ding kan peh relchap: Lautu, Mara, Zophei, Zotung le Senthang hriamtlai phu hna nih joint committee an ser ve cang. Mah pengtlang hna hi a hlan tein unau kan si tiah ram tampi ah ZZLMS committee ser in civui le i hawikomnak bawlungpuai hna tuahti lengmang a si. Atu cu hriamtlaih lei zong ah i naihniam deuh in riantuanti an i tim cang tinak a si.

Tampi nih cun thiltha ah kan ruah ko lai nain cheukhat nih cun phan awk ah an ruah ve men lai. Senthang CDF khi Hakha CDF he an i rem lo, CJDC zong ah an luhter duh hna lo. Nain, atu cu CJDC member 4 nih alliance an vun tuah tikah lungnuam lonak a um kho. CNF le CBCUSA hruaitu an biachim zoh tikah duhsah tein pengtlang CDF pawl hi hrawh in CNF/CNA ah luhter dih an timh hna timi hmuh khawh ngai a si.

Abik in CNF sin lawng ah bawmhnak phaisa luhter, mah tein a dirmi CDF pawl bawmhnak chah, CNF kuttang ah a lutmi CDF lawng phaisa bawmh ve ding khi biapi ngai in an i timhmi pakhat cu a si. Nain, tutan ZZLMS hma an lak ning zoh tikah I theih thiam lo ahcun hmailei kan Chin miphun kar ah buainak nganpi a chuak te kho timi hmuh chung khawh a si-hriamtlai phu pakhat le pakhat kar ah i upatnak le i theihthiam nak a um a hau, i nek lo a biapi tuk te lai tinak a si.crd-salai lungthli tum.

Leave a Reply

Your email address will not be published.