CDF-Hakha Nih Tlaih Mi RC Khrihfabu Pathian Riantuan Hna Thlahpiak Ding In Cathanh An Chuah

Hakha Diocese chungum Surkhua Parish ah Pathian rian a ttuan lio mi Rev. Fr. Noel Hrang Tin Thang le Saya Clement Cung Hnin thlah nak hnga ding caah cathanh..Hakha peng Surkhua Myo ah Pathian rian a ttuan lio mi Catholic Siangbawi Rev. Fr. Noel Hrang Tin Thang le Catholic Saya Clement Cung Hnin cu July 26, 2021 ni ah Surkhua in Hakha lei an kal lio ah lampi ah CDF nih an tleih hna tiah thawng kan theih .

Zarhkhat chung hren an si cang hna nain nihin ni tiang thlah an si rih hna lo ruangah Pathian rian a ttuan ti mi Siangbawi hna le RC Khrihfa bupi zong kan thin a phang i kan ngeih zong a chia…Hakha Diocese chungum Pathian rian a ttuan tti hawi Siangbawi hna le RC Khrihfa bupi nih CDF ttuanvo ngeitu hna lei kap in Rev. Fr. Noel Hrang Tin Thang le Catholic Saya Clement Cung Hnin cu a ran nak in nan kan thlah piak tthan hna nak lai thawng kan in thanh hna.crd-RVA Hakha Chin.

Ca dang relchap; Mi that rallokap bawi Min Aung Hliang nih 2023 kum  August thla tiang uknak ka lak tiah nihin thlaruk tlinni ah a chim mi ah ai tel. Min Aung Hliang nih ram pi daihnak a um tik ah Vote tlaknak ka tuah lai a dik ning tein i thim nak ka tuah lai thlaruk caan ka lak lai abia pi caan cu 2023 kum August thla ah a dih ding a si nak kong Min Aung Hliang nih a chim.

Min Aung Hliang cu 2021 kum July thla ah kum 65 a tlin ah hin a rian in j dinh ding a si cang nain dinh lo in hriamnam i tlauh in rampi hramhram nawlngeihnak cu mipi nih thimmi mipi cazah kut chung ah a lak hnu in mipi minung 1000 reng lo a thah i a thong thong in sualnak ngeilo mipi cu a tlai tu ralhrang hruaitu pakhat a si.crd-the chin post.

Leave a Comment

Leave a Reply

Your email address will not be published. Required fields are marked *