CDF-Mara Nih MDF Ralthuam An Laak Piak Hna

February 10, ah Chin ramkulh, Matupi peng CDF-Mara le MDF karlak ah kahdohnak a chuak i CDF-Mara lei nih MDF ralthuam zeimawzat an laak piak hna tiah tualchung Media nih an langhter. MDF he kan karlak ah kahdohnak a um hi kan duh lo nain kan cungah an tuahmi thisen chuaknak le nunnak laak tiangin an cawlcangh caah kan kah hnanak a si tiah CDF-Mara nih an chim. CDF-Mara nih cun remnak ser an duhnak kong le MDF ṭuanvo ngeitu hna nih an Pasalṭha tlaihkhih le nunnak tiang laaknak hi umti hlahseh ti an duhnak kong an chim chap.

Thawng dang relchap- Malaysia Ram Ah Myanmar Ram Mi Telh In Ramdang Mi 263 Tlaih An Si, Chin Mi 30 Hrawng An I Tel, Malaysia ram, Kuala Lumpur khuapi ah Myanmar ram mi telh in phungning loin a um mi ramdang mi 263 tlaih an tong, tiah Myanmar mi bawmchantu phu(Malaysia) sin in theih a si. Kuala lumpur khuapi, Pudu bazar pawng Singapore Hotel le tualchung mi inn ah February 8 zan suimilam 7:00 hrawngah Malaysia palik le Immigration hna i bawm in chekhlatnak an tuah i minung 263 an tlaih hna.

Tlaih a tong mi minung 263 chung ah Myanmar ram mi 50 hrawng an i tel i zeitindah an tuah te hna lai ti cu hngalh a si rih lo, tiah Myanmar ram mi bawmchantu phu in ṭuanvo ngeitu pakhat nih a chim. Palik le Immigration nih an tlaih mi 263 chung ah pa 229 le nu 34 an si. Myanmar ram mi 50 chung ah Chin mi 30 hrawng an i tel tiin Malaysia um mi Chin mi pakhat sin in theih a si. Malaysia palik nih an chim ning ah Myanmar ram mi pawl cu lam kam ah kuva hang chak, rithaisii hman, hla thang piin chuah le au khuan an hman tuk caah pawngkam.

Malaysia ram mi hna nih report an pek hna i, tlaihkhih an tonnak hi a si, tiah Khumi hartong phu in Chairman nih a chim. Mingin Peng, Kaan Khua Pyusawhti Sakhan An Kah I An Laak Ralhrang 6 An Thi, 35 Nih Hliamfak An Tuar, Thawng dag relchap- February 8, zing suimilam 5:50 tluk ah Sagaing ramṭhen, Mingin peng, Kaan khua Pyusawhti sakhan cu Brother Defense Force le ṭangṭi phufonh dang nih an kah i an laak pin ah sakhan an khangh piak hna ralhrang 6 an thi, tiah Yin-Mar-Bin pengkomh battalion 16, Ṭetkhuai 1 Brother Defense Force in ṭuanvo ngeitu pakhat nih Khit Thit Media ah a chim.

Sakhan laak kahdohnak ah Pyusawhti ralhrang 6 an thi, 35 tluk nih hliamfak an tuar caah Taung-Ya-Daw Pyusawhti khua lei ah an zaam, sakhan kan khangh piak hna pin ah ralthuam zeimawzat kan laak” tiah a chim chih. Pyusawhti sakhan laak kahdohnak ah mizapi ralkap nih tualchung mipi ta asi mi ramsa le thilri hna cu tualchungmi sin ah tlamtling tein an pek ṭhan, hna tiah theih a si. Kahdohnak aa telmi hriamtlai phufonh hna cu Yin-Mar-Bin pengkomh battalion 16, Ṭetkhuai 1 Brother Defense Force, BNRA, Mingin SRF, le GTF ṭangṭi phufonh hna an si.

Leave a Comment

Leave a Reply

Your email address will not be published. Required fields are marked *