CDF-Mindat Nih SAC Raalkap 20 Leng An Thah Than Hna

Meng 16 kahdohnak ah CDF-Mindat nih SAC raalkap 20 leng an thah khawh hna. Nihin, August 15, meng 16 hmun i CDF-Mindat le SAC ralkap kar kahdohnak ah raalhraang 20 leng an thi tiah CDF-Mindat nih Facebook cahmai ah an langhter. Raalhraang lei in minung 15 hrawng fakpi in hma an pu. CDF-Mindat lei in a thi mi le hma a pu mi an um lo, ti zong an langhter.the hakha post

Thawng dang: Malaysia Prime Minister August 16 Ah A Phuak Cang Lai Malaysia Prime Minister Muhyiddin Yassin nih a rian in i phuahnak ca cu Malaysia siangpahrang sin ah August 16 a pek cang lai tiah Malaysiakini news nih a chim. Malaysia Prime minister hi nihin ah amah sihni hna he Kualalumpur, Perikatan Nasional (PN) alliance hmunpi ah an i ton hnuah atu bantuk biakhiahnak a tuah hi a si.

Thaizing ah special cabinet meeting a um lai, Mah khawhin siangpahrang inn (The Istana Negara) ah a kal lai i, rian in phuahnak ca a pek lai tiah prime minister zung vuanci Mohd Redzuan Md Yusof nih a chim. Thaizing cacawn nikhat zaanlei ah Muhyiddin le an siangpahrang hna cu i ton ding an si i, mah ah hin siangpahrang nih no confident motion kong he pehtlaih in parliament ah vote thlak maw, a si lo ah a rian in phuah maw, a duh mi a thim ter lai tiah ruah a si.

Atu Malaysia deputy prime minister Ismail Sabri Yaakob hi United Malays National Organization (UMNO) party ah vice chairman a si. An party ah senior bik mi a si nain Malaysia ram ah MP can sau cem a si mi Tengku Razaleigh Hamzah cu prime minister caah mi tampi nih an duh mi a si i, opposition hruaitu Anwar Ibrahim zong nih a cuh khawh ve mi a si.

Party hlun pakhat a si mi UMNO hi eihmuar ruangah 2018 thimnak ah an tling lo,hlan kum 60 chung Malaysia cozah a hruai cang mi party pakhat a si. 2020 ah a tu prime minister hruainak in UMNO party cu parliament ah majority member si nak he coalition government an ser mi a si.crd- the chin post

Leave a Comment

Leave a Reply

Your email address will not be published. Required fields are marked *