CDF-Mindat Sin Ah Hriamnam Tha Taktak Pawl Tam Lak Te A Phan

IMCO, CEA Le Heal the World Tawlrelnak In Cawkmi Hriamnam Hna Cu CDF-Mindat Sin A Phan Cang, International Mindat K’Cho Organization (IMCO), Heal the world le CEA (Norway) tawlrelnak in cawkmi AK-47 zun 40, kuanfang 12,000 le kuanbawm 120 hna cu Sept 28, 2023 ah CDF-Mindat sin a phan cang tiah IMCO nih an thanh. Hi hriamnam cawknak dingah tangka hawlnak cu International Mindat K’Cho Organization (IMCO) nih June, 2022 khan an thawk i kumkhat leng a rauh hnuah atu bantukin an cawk khawh hi a si.

AK-47 zun 50 cawk nak ding ah US $185,000 a dih ding a si i IMCO nih 70,072.71 an hmuh i Heal the World le CEA (Norway) nih $35,000 an thawh ve i cuticun hriamnam an cawk hi a si. A rauh hlan ah AK-47 zun 10, kuanfang 3,000 le kuanbawm 30 zong CDF-Mindat sin a phan lai tiah IMCO nih an cathanh ah an langhter. Thawng dang relchap- Bago Ramṭhen, Nyaunglebin Peng Ni 5 Chung Kahdohnak Ah SAC Ralkap 50 Leng An Thi, Bago ramṭhen, Nyaunglebin peng Pazunmyaung khua kahdohnak ah.

SAC ralkap tam ngai an thi i hliamhma pu mi zong an tam, tiah PDF ralkap pakhat nih Khit Thit Media ah a chim. September 27 zing suimilam 10:00 hrawngah SAC ralkap cu rallam an sial i palik, pyusawhti le meithat phu hna cu hmai ah an kalter hna. Cu lio ah cun kan kah hna i September 29 zan tiang kahdohnak a chuak. Kahdohnak ah SAC ralkap 50 hrawng an thi i 20 hrawng hliamhma an pu. Military region zung nih kahdohnak kong an kan thanhter duh rih lo, tiah PDF ralkap pakhat nih a chim.

SAC ralkap pawl cu Spring Warriors Column le PDF Battalion 3702 hna i bawm in an kah hna i PDF lei in ralkap 3 hliamhma an pu. Cycle pahnih, walkie talkie 1 an sung ve, tiah theih a si. SAC ralkap nih phungki pakhat le tualchung mi pahnih zong zohchia ngai in an thah hna i tualchung mi hna innlo zong an khangh. October 1 zing suimilam 11:00 hrawng in zanlei 5:00 tiang kahdohnak a chuak ṭhan i SAC ralkap ruak pakhat le meithal zun khat PDF nih an laak. Vawlei cawhnak seh ngan pakhat zong an khangh, kahdohnak ah SAC ralkap 15 hrawng an thih pinah 10 hrawng hliamhma an pu, tiah Spring Warriors Column nih an thanh.