Pu Zo Tum Hmung nih zoom biaruahnak a tuahmi ah Chin mi nunphung puai le zupu kong bia a hal chih hna i Rev. Dr. Dennis Shu Maung nih lehnak a tuahmi cu a tanglei bantukin a si.
Angaingai ti ahcun zu hi kan ri ahcun kanmah ca rawknak lawnglawng a si tiah kan Bible ca chungah a um i, cun zu thawthaw kha a pin ah ihruaiter hna hlah uh a kan ti fawn.
Cucaah cun zupu cu kan pu kan pa hna nih an rak hmang tawnmi le hoikomnak ah, Entertainment ah a rak si i sihmanhsehlaw kannih cu Khrihfa kan si cang caah zupu cu kan hmang ve ko lai. A chung i a ummi tu kha kan zoh chih a hau.
Korean pawl nih milky an timi a um i facang kha zu ah an ser ve i ritnak thilnung tu kha an telh ve lo. Judah mi nih Unleavened bread an ti bantukin unleavened zu ah aa cang. Kha kha rawl kan einak paoh ah ka va kal tikah kha bantuk kha entertainment ah kuttlaihnak ah an kan pe ko. A thaw ko mah kha kha. Kha bantuk kha zupu chungah kan ngei khawh ve mi a si. Amah fang kha tha tein kan thawhter ve khawhmi a si.
Sihmahsehlaw yeast ngaingai kan paih/phulh i kan thawhter mi kha cu a tha lo tiah ka ruah. Kan pupa hna nih an chimh tawnmi kaa theihmi cu Thilnung kan timi cu maipar ek pei a si cu an ti. Rul ek (Lim ek) tinak a si. Cucaah cun zu nan ri ahcun rul ah nan i cang lai an kan ti tawn.
Cucaah yeast paih lomi zupu kan tuah khawh lai maw? Kha bantuk kha hi bantuk Chin mi nih Chin National Day kan ngeihmi bantuk ahhin hun i Chin mi nih hi bantuk zupu hi an rak din tawnmi a si ti theihnak ah le a context tu kha van thlen awk a tha hnga lo maw?
Zeica tiah a zu ngaingai hi cu a kan hrawktu a si i Bible ca he zong aa kalhmi a si caah ka chim duhmi a si. A zupu raca chiah cu poi lo. A chungtu kha thilnung aa tel lomi zu kha chiah kho u sih law a tha a ti duhnak a si.
Note: Zoom video biaruahnak in a chimmi lak chinmi chung in aa tlak ning le a duhnak a si rua ti ning in lakmi a si.
Source: Chin Association of Maryland (facebook page)
Leave a Reply