Chin ram chungah USDP le NLD nih cozah an serh bal veve tikah an rian tuanhmi zoh in November 2020 thimhnak ah vote pek ding party hi mipi caah challenge nganpi asi tiin ka hmu. Tlangcungmi party nih pyine ah cozah an serh kho lo ahcun duh zong duh lo zongah USDP le NLD nih cozah an serh thiam ko lai. Zei party nih kan ram caah an tha deuh lai ti hi a ruah chung ding dirhmu ah kan um lio asi ko. NLD cu kawl rampi democracy phungin ihruai khawhnak ding caah a rak dirpitu party asi tiin thazang kan rak pei cio mi kha asi.
Nain cozah serhtu an si taktak tikah an riantuan mi zoh ahcun mipi lungfak ngai in an chiahtu Party an si than ko. Cucaah 2020 thimhnak ahcun mipi caah challenges nganpi cu zei party dah kan ram le kan miphun caah an tha bik lai ti khi an si cang. Politics pawl an bia cu tiva a um lo nakah hmun ah hman hlei kan dawnh piak hna lai an ti khawh ti asi. Cucaah zumh sual an awk te ko cucaah party maw kan zoh lai, minung dah kan zoh lai tihmi bia halnak hi aum tawn a phih a chuah kho ngai ngai mi biahalnak cu an si lo.
Minung kan umh caah party aum ve caah minung zong an biapi i party zong an biapi. Party that ngai ko nain minung athat lo minung athat ngai ko nain party athat lo ti kan chimh tawn ve. Cucaah challenge nganpi asi tiah kan ruahmi cu mipi cungah aum dih cang ko democracy cu mipi thimhmi nih cozah a serhtu an si cang caah asi.
NLD a duh ngaihmi zong kan um ve rih ko lai a tha ve ko UNDP zong a duhmi kan um ve ko lai pakhat le pakhat an tlamtling lohnak tete cu um phun a si ko. Kan zoh dingmi ah ka hmuhmi cu rampi caah a si ti lai lo. Chinram caah rian thathnemnak a chuahpitu party vote pek ri ko usihlaw ka thangchonhnak caah asi mi party paoh cun an tha ko lai tiah ka zumh.
Leave a Reply