Chin Miphun Hi Karen Bantuk Kan Chuak Sual Lai Tiphan Um

By-Tinduh Thang: Chin Miphun Caah(Virus)Kan Miphun Hi Karen Bantuk Kan Chuak Sual Lai Tiphan Um! Hipa kong hi ka theihning ahcun,Milem a bia mi a si i,Chin miphun ciacio zong ah hin a biaknak a bia lo mi pawl cu thleidannak a ngei ngai ti a si.Cucaah,ralhrang pawl nih a sinah thuukpi in thlaici ttha lo an tuh khawh mi pa sidawh a si.

Kan theih cio bantuk in,Karen miphun kha Khrihfa biaknak lei i an rak kal hna lio ah khan,Burma ram pumpi tiawk in,Khrihfa hruainak lei ah siseh,luban a tlai mi an si hna khah.Asinain,an mah chung lila ah ralhrang pawl/Burma ralkap hna nih thlaici ttha lo an tuh i,milem biaknak kha an luhpi i,cucu theithiam lo in,Karen miphun nih an izumh i,Milem a bia mi,phu le Khrihfa phu tiin Karen hriamtlai chungah tthennak a rak um.

Cu hnu tlawmpal ah,Burma ralkap hna nih an sakhan tiangin an rak laak hna i zeimaw chung lebang kha cu,Karen hriamtlai phu pawl kha an lo dih cang hlah maw tiawk in an thawngpaang a rak chia ngaingai ,a hnupi ah an lung a van fiim deuhdeuh i,an mah le an mah kar i ral an iser mi kha an thinh ziahmah,cun,a hlei in tukum ram pumpi buainak ah hin biatak tein an van ttangtti tthan i lawmh a van um deuh.

Cucaah kan miphun chung,cuhmanh ah hriamtlai phu chung in i thennak ding lungput le ruahnak ngeih cu kan miphun lohtlaunak le kan ral pawl nih Amen!an peeknak ding khi a si i,a hlei in,hi pa nih milem biaknak le khrihfa biaknak phun i a kal sual taktak ahcun kan miphun caah,Covid-19 nak in ttih a nung deuh mi(VIRUS) a chuahter khawh caah kan miphun i kan pa le nih a rannak in deihter nak lam nan kan kawlpiak a hau i,nan kawl cang zong ka zumh. Kailawm.

Ca dang relchap; Kan Innpi Victoria Camp Nih An Hlamtuk Cang Hna, Min Aung Hlaing nih uknak alak(aanating) nak cu thla 8 chungah kan kal cuahmah cang I cu a uknak lakmi cu rampi minung poh nih doh cio a si.Cu chungah Chin miphun chungin abikin kan mino hna nih SAC luzik MAH aana lakmi cu doh dingah hriam an tlai hna I CNF zong nih ati khawh mual in a bawmh ve hna. Chin mi hriamtlai chungin zeimawzat zong nih an nunnak an pek pinah CNA ralkap zong nih an nunnak an pek ve.

Kum 33 chung hriamtlai cangmi CNA/F kha Chin mipi nih cuanh le zohthla cemmi dirhmun a hun si caah CNF cungah uhthanhnak bia hla tete an chim,a bikin pengtlang dang nih an chim tikah a ruahzia thiam piak hna an hau ngaingai tikha cattail tu pumpak hmuh ning si i CNF zong nih an ruahhtiam cia mi zong a si ko lai.

Phu pakhat,hriamtlai pakhat ah a biapi cemmi cu, president le general secretary hi a si. CNA/F nih asikhawh chung in Chinmi hriamtlai/CDFs training apek hna pinah kawl lei unau PDF tiang in training apek hna hnuah an tlun lam lei riahcaw tete tiangin a rawnh hna tikha theih cio a si.Mah nih alanghter mi cu,CNF nih pengtlang thleidannak a ngei lo ti fiang tein a langhter nak a ruang cu,PDF hmanh cu pei an tlun lam riahcaw tiangin arawnh fam hna cu timi hi si.

Phu pakhatah president le GS a biapi tuk kan ti bang, CNA camp ah hin CNF lutlai bik hna nih an umpi khawh hna lo hmanhah lutlai pa 3/4 chungin pakhat tete tal in Camp ah umto an i chan ding a si cang. Kan dothlennak kumkhat a lut lio cang,ziah president le GS,Vice 1 hna hmuihmai langh bal lo.Ramthumnak ah rian a tam kho ko,nain ram 3nk ah CNF chungtel upa nih ttuanvo an la kho lo maw? A laang riantuan le a riak riantuan cu lohma kal ning aa dangtuk.

Cucaah ramleng ummi CNF upa hna nih ramchung Camp ah a changchang te tal in kan ralkap hi rak umpi hna uhlaw,thazaang rak pe hna uh,ralkap thar an tampi cang,mah hna nih president le GS hna nan muihmai an hmuh a hau,video le aw-aan lawng in cun an di ariam kho lo.

Camp ah Sau nan caam/umpi khawh hna lo hmanah vehvat tal cun nan rak tlawn a hau,virus lio cu si nain India ram in urgent thil in nan rak lut khawh ko lai tikha Chin mipi nih mama hauh in kan in hauh ko hna hih.Ralkap thar tete hna nih kan president,GS le Vice 1 hna nan muihmuh kan duhtuk tiah an lungchung an an i uamnak sau cang.crd-chinland 7 post.

Leave a Comment

Leave a Reply

Your email address will not be published. Required fields are marked *