Chinnu kan Chin miphun a cawisang taktakmi Mai Jewel hi chaklei Chin Miphun asi. A min taktak ahcun Jewel Yadanar asi. Kum note a si rih caah Chin Miphun nih support kan tuah ngai ahau. Hmailei Chin Miphun a cawisang chinchin tu vun si terh ve a hau.
English Cover songs a sakmi kha kan ngai cio ko lai a thiam taktak Chinnu lak ahcun Chan a dawi kho takmi kan Celebrity pakhat asi ve. Kawl hla in Chin Land ah vun kan leng ulaw karangtiah kan dawn hna lai tihmi hla zong kha tha taktak in a kan sak piaktu asi.
Ca zong a thiam ngai mi asi caah Mirang holh zong a thiam ngai. Esther Dawt Chin Sung te hna he tthihkhat an si lai. Cover Songs a sakmi hi an tam ngai cang. Cover songs a za tein 60 hrawng a sak ve cang. Celebrity pakhat si ve ding ahcun mah tein hla kan phuah kho le kan hla ti dingin keimah ta le kanmah hla kan I ngeih ve ahau caah cover cu ka sak deuh tuk ti lai lo tiah a ti.
Kan miphun hla kan sak ahcun Kawlram chungah Celebrity kan si kho tuk lai lo caah English le Kawl hla hi ka duh deuh ko a ti. Chaklei chin zong siseh Thlanglei Chin zong siseh kan hol le kan hla tiin kan duh ve cio ko nain rampi hop in cun Kawl hla hi abia pi deuh ko a ti.
Esther Dawt Chin Sung zong kha Chin Idol si lo in Myanmar Idol a si cang caah kawlram huap in kawlram chungah min ngeih asi khawhnak a hram bik cu asi. Kawl hla tu hi tam deuhin kan sak lai, kan Chin miphun mipi nih kau deuh in an theih ve lai ati.
Leave a Reply