Chin miphun runvennak emergency fund $1.2 million hrawng an hmuh manh, March thla zarh khatnak thawk in US ramchung ah Chin Miphun Runvennak Lakhruak Chawkawlnak (ENSF) an tuah i nihin tiang ah $1.2 million (1,690,000,000 MMK) hrawng an hmuh cang tiah ttuanvo ngeitu upa sin in kan theih.
$1,200,000 hrawng kan hmuh cang i, mah chung ah hin Khrihfabu pawl an i tel rih lo ti awk a si. March zarh khatnak thawk khan hi lakhruak fund hi kawl hram kan rak thawk,” tiah a cunglei upa nih a chim.
Chinland Club upate hruainak in tuahmi ENSF chawkawlnak ah US ramchung khuasa Chinmi chung in $5,000 in $10,000 karlak tiang a thomi zong an um hna, tiah kan theih,crd-The Chin Journal.
Thawng pang dang relchap: Lai nu pahnih tlaih ding in an hmanthlak an tar Dr. Sharon Par le sianginn cachim sayama Dawt Sui tlaih ding in an hmanthlak he Hakha ah an tar hna. Pohma 505 (a) in tazacuai an si.
Dr. Sharon Par cu Chin ramkulh ngandamnak zung ah Assistant Director a ttuanmi a si. Sayama Dawt Sui cu Hakha khuasa a si i, Thantlang peng, Hnaring ah sianginn cachimtu a si. Palik nih tlaih ding Warrant an chuah hlan ah an zaam manh caah an tlai kho hna lo.
March 13 zong ah Hakha mino 5 cu pohma 505 (a) in taza an cuai hna i tlaih ding in atu bantuk in an hmanthlak an rak tar cang hna. English-Arrest warrant issued for medical doctor Sharon Par and school teacher Dawt Sui in Hakha, Chin State,crd-The Chin Journal.
Leave a Reply