The chinland vision zei party dah chinram a daw bik lai CNLD. Zei party dah an mah ca lawng aa ruah bik lai NLD. Zei party dah ram a sersiam kho bik lai USDP. Zei party dah vote kan pek lai chin miphun caah challenges November 2020 Election.
NLD cozah chin ram ah an ser tikah an sining fiang tein kan theih cang Hakha khua le ram vialte an hrawh pinah sak cia mi inn vialte a hrawhtu an si. Chin ram khua te lei ah zeihman thanchonhnak an tuah mi kan hmu lo. Zeiruangah November 2020 ah vote kan pek kho lai tiah mipi cheukhat nih an ti cang. NLD cu mah pumpah caah rian a tuanmi an si ti tiangin soiselnak an tawn cang ko. Thil sining tha tein vun zoh ahcun an si hrim ko. cucaah NLD cu vote an hmuh hrim lai lo a fiang pah cang ko.
CNLD cu miphun party an si caah mipi nih duhmi le dirhpi mi party pakhat ah chin ram ahcun a vun dir ve cang. November 2020 thimnak ahhin vote an hmuh lai maw ruah ding thil tampi an ngeih ve. Miphun party kong kan hnulei kan zoh tikah Zakhine le Shan kha Miphun party nih thimnak ah teinak an hmuh ko nain cozah an ser kho lo. NLD hi center cozah an si caah NLD nih cozah sertu an si ve hoi. Cucaah vote an hmuh zong cozah an ser kho sual lo ahcun tiin ruahnak tampi a um ve.
USDP cu Party ngan pakhat an si ve caah thil tampi an tuah kho pinah ralkap party ti tluk in hmuh mi an si ve caah thil tampi a rak thlen kho I hmailei zong thil tampi an tuah kho ko lai ti zumh asi. Nain USDP hi chin miphun nih vote kan pe tuk lai lo tiah kan zumh. Kan pek duh lonak a ruang cu pakhatnak ah ralkap kan huat caah a si. Cun pahnihnak cu miphun party kan ttanh deuh caah USDP party vote va pek cu kan duh lo nak asi. Pathumnak ahcun Phunghrampi remh an duh sual lai lo timi zumhlonak nih vote pek zong hi a kan har ter ngai ko tiah kan hmuh.
Cucaah CLND hi vote pek ahcun chin miphun caah a tha biklai. Phungthluk ah kan hmuhmi cu dawtnak rumnak thil ti khawhnak an um ti si.Cu chungah a pathum ning tein a um khawhmi cu dawtnak a si. Cucaah miphun cungah dawtnak a ngeih mi CNLD hi vote ding asi.
Leave a Reply