Mizapi ruahnak ah NLD long nih ramkomh Union ramkulh le ramthen State Region kip ah cozah an ser te lai tiah kan chim ruah tawn hihi aa palh taktak mi ruahnak a si. Thuk deuh in khua kan tuaktan lo ruangah le a chunglei pil diklak in thil kan tuaktan lo ruangah a si.
2008 phunghram article 261 long kan zoh hihi remh hna seh law fawi deuh in miphun party nih cozah an ser lai i CM zong an uan kho lai tiah kan ruat. Hihi a si dih naisai lo Article 261 remh lo zongah tlangcung miphun kan lungfim cun miphun party nih cozah ser khawh le Chief Minister tuan khawh tuk si. Tlangcungmi nih lungfim bu tein mahle miphun party cio thazang kan pek hna si cun article 261 remh piak lo zongah Cozah kan ser kho I Chief Minister zong kan uan kho ko a tanglei ah vun zoh tuah usih.
Kawlram Parliament ah thutdan 664 a um ralkap nih 166 an i lak cia mizapi thim ding cu 498 a si. Hi chungah rawn Region ah 291 a um tlangcung State ah 207 a um ramkomh cozah serkhawhnak ah 333 hmuh a hau. Kawlrawn party chungah a tanglei pawl a um NLD USDP
NUP UBP Thura U Shwe Mann hruaimi PP U Ko Ko Kyi hruaimi le etc mizapi theih deuhmi long ka langhter. Hi vialte party nih rawn region i hmunhma 291 khi an i cuh lai.
Cutikah NLD nih tambik a ngah te lai USDP nih tlawmpal te a ngah ve te lai UBP nih zemawzat a ngah ve lai PP nih zeimawzat a ngah ve fawn lai. Cuti si cun NLD nih 291 chungah a tam bik 250 long a ngah te lai. Cozah sernak caah 333 a haumi chungah 250 long cun cozah a ser kho ti lo.
Tlangcung mi vialte kan lungfim I kawl longlong bochannak le kawl nih fial chukcho le thudir tuah ter long kan duh ti lo ahcun miphun party cio mee vote kan pek cio hna ahcun. Tlangcung hmun i 207 a ummi chung ah 150 tal hmunhma kan lak khawh si cun a ho party hmanh nih anmah longin cozah an ser kho ti lai lo. Komh cozah coalition government tu dirh si cang lai. Cu tikah president cu nanmah nih tlaih u law Chief Minister le Union Minister zeimawzat cu kanmah nih kan tleih ve lai tiah give and take in a kal lai.
Cuti kanmah Miphun party cio nih cozah kan ser khawh si cun Nay Pyi Taw leiin hudir an kan tuahter tawnmi kha an kan tuahter kho ti lai lo. Chin National Day ah CNF biachimnak nawl pek le pek lo kongah Nay Pyi Taw lei biachahnak hngah a ho ti lai lo. Chin miphun tonbiaruahnak tuah kan duhmi cungah cunglei Nay Pyi Taw lei ah va hal ta tibantuk a um ti lai. Cu bantuk dirhmun cu kan duh, nan duh cio ko lo maw cu bantuk dirhmun a duhmi nih Chin Party CNLD mee Vote rak pe cio uh.
Kawl pawl nih hu an ti paoh ah hut i, dir an ti paoh dir a duhmi nih, NLD le USDP kha mee vote rak pe te uh. Kawl pawl nih hutdir tuahter a duh lomi le mah nawl ngeihnak tein a hu duhmi, a dir duhmi paoh nih CNLD vote rak pe te uh. Pakhat belte cu, a minung zoh chih lo awk cu ttha fawn hlawh kaw, Thantlang cun Dr. Hmuh Thang le Henry Van Thio nan vote mi hna belte cu ka Amen ko lai. Miphun dang Kawl pawl nih hu Dir tuahter lengmang hi duh ti hna hlah usih. Credit By Salai Biak Tum Lian.
Leave a Reply