Nihin cu mi pakhat nih hmanthlak pathum pali hrawng a tar i ca tam nawn a tialmi a facebook ah ka hmuh. Cucu Chin ramkulh ah NLD nih teinak a hmuh than sual ahcun kan sungh dingmi pawl tam nawn in a tial i rel ah thling hna a za. Cu a tialmi cu Kawl ca in a si i, Lai ca in leh tikah a tanglei bantukin an si.
Chin ramkulh ah NLD nih teinak a hmuh than ahcun Khrihfa biaknak a tlau kho. Zeica ti ahcun Chin miphun cu kan sifah caah phaisa kan hmuh ahcun kan Pathian hmanh a philhmi miphun kan si.
Chin ramkulh ah NLD nih teinak a hmuh than nolh ahcun kan ram kan sungh dih lai. Zeica ti ahcun Chin miphun hna cu hmunhma sang pakhat kan ngah cang ahcun Hakha ah inn tampi an hrawk ngam bantukin thil dang vialte zong an tuah ngaam lai. Kan vawlei hmunhma zong miphun dang ta (ngeihmi) ah a cang dih lai. Chin miphun nakin cunglei upa an dawt deuh hna.
Chin ramkulh ah NLD nih teinak a hmuh than nolh ahcun mi hnu phan lo a sifak bikmi ramkulh kan si rih lai. Zeica ti ahcun Chin miphun dawt ding nakin anmah paw an daw deuh. Cucaah ei-hmuar tambiknak ramkulh a si peng rih lai.
Ka miphun hawi hna, nan nunnak i thleng loin tlanglo nan thlawh peng zongah Chin upa hna bantukin milem hmai kun in kan nunnak a sung pe hlah u sih. Ka miphun hawi hna, nan khua cio ah motorcycle kal khawhnak lam a um lo hmanh ah Chin upa hna bantukin kan ram kan vawlei hi miphun dang kut ah zuar hlah uh sih.
Ka miphun hawi hna, phaisa nan ngei lo ruangah nan fanu nan fapa hna sianginn nan kaiter khawh lo hmanh ah Chin upa hna bang phaisa in kan miphun zuar hna hlah uh sih.
Cucaah ka miphun hawi hna, Chin ramkulh in NLD mee nan pek rih ko ahcun nan fale an hmailei caah a mui lai i, minung kan nunnak man hi kan ram le kan vawlei ah a tlau te lai. Cucaah NLD mee pe hlah uh sih.
Note: A tialtu nih Kawl ca in a tialmi kha aa tlak ning in Laica ah leh chinmi a si.
Credit: Licang Naing
Leave a Reply