Pyin Oo Lwin-Naungcho Ramri Ni 10 Chung Kahdohnak Ah SAC Ralkap 70 Leng An Thi,Mandalay ramṭhen, Pyin Oo Lwin le Naungcho ramri ah Mandalay PDF le SAC ralkap kar ah April 5 in 14 tiang kahdohnak a chuak i, SAC ralkap 75 an thi, tiah theih a si. Mandalay PDF cu 2023 thawk in Tapeyngeo operation min in Naungcho peng le Pyin Oo Lwin peng ramri hmun tam ngai ah April 5 in kahdohnak an tuah, tiah theih a si.
April 5 in 14 tiang kahdohnak ah SAC ralkap nih raltuknak Helicopter, Jet Fighter le hriamngan tampi an hman, tiah Mandalay PDF nih an langhter. April 11 le 12 cu kahdohnak a chuak lo nain kaphnih in hriamngan i kahdohnak a chuak. April 13 in kahdohnak a zual i April 14 tiang kahdohnak a chuak, tiah an langhter. April 10 kahdohnak lioah SAC ralkap nih, Mi-35 | YAK-130 | SU-30 in voi 15 tiang kahdohnak an tuah.
Cu ni ṭhiamṭhiam ah, Mandalay PDF nih SAC ralkap sakhan an va kah caah ralkap 35 hrawng an thi. Kanmah lei in ralkap 7 nih an nunnak an pek ve i, 15 nih hliam an tuar, tiah an langhter. Ni 10 chung kahdohnak ah hin SAC ralkap 900 hrawng an si i, Khah Lay Yah 147, 253, 258, Khah Mah Yah 508, Ah Mah Tah 206, Khah Mah Yah 419, 14 le Naungcho pyituhsit hna an si.
Cu kahdohnak ah SAC ralkap 75 nak tlawm lo an thi, tiah Mandalay PDF Nih cathanh an chuah. SAC ralkap nih vanlawng in voi 27 an kan kah i, April 10 lioah anmah le anmah i palh in an i kah ruang ah ralkap 30 hrawng an thi chap, tiah an langhter.SAC ralkap a thimi hna hi kan mithmuh in kan chimmi an si i hi nakin a thimi an tam deuh kho, tiah Mandalay PDF nih cun an langhter.
Salai lungthli tum ca rel cang: Chin ralkap an ralthat ning le tutan MAH ralkap motor vialte an hrawh dih khawhmi khi an hlawhtlinnak ngan tuk asi, raltuk a hua tukmi keimah hmanh ka khuaruah a har. Mah tluk an i zuam ko buin ‘nan kham kho hoi hna lo ma?’ tiah a phunzai rihmi cheukhat nan um rih hoi. A ngai ngai ti ahcun, atu i ramtha sofa cung in a rak zaimi online raltuk thiam pawl khi Laitlang an um lio ah.
Ralbawi Khin Maung Yee timi min te an theih hmanh ah zun ai ceh i Mizoram ah leklak a zam colh tawnmi an si hna. Kei cu jet vanlawng bom thlakmi cu chim lo, ralkap an meithal ka hmuh hmanh ah ka thlingzaa i ka thaw chuah kai harh cang, hmaitonh in vai kap ding cu a fawi bak lomi khi a si. Computer hmai nan til kheuh pah in nan raltha tuk hlah seh mu, voi 10 thih zong ah thawh than a ngahmi video games a si lo khi.
Leave a Reply