Chin Ralkap Nih Ralhrang Saakhan Lak Zat Langhter Si

Tualchung Hriamtlai Phu Nih Chinram Zatuak 75 An Uk Khawh I SAC Ralkap Sakhan 24 Le Palik Sakhan 12 An Laak Cang, SAC ralkap nih hramhram in nawlngeihnak an laak kum 3 chung ah tualchung hriamtlai phu hna nih Chinram hmunram zatuak 75 an uk khawh, tiah Institute of Chin Affairs (ICA) nih an langhter. SAC ralkap nih hramhram in nawlngeihnak an laak kum 3 chung ah Chinram ah SAC ralkap le tualchung hriamtlai phu kar kahdohnak voi 900 leng a chuak i, SAC ralkap sakhan 24 le palik sakhan 12 cu tualchung hriamtlai phu nih an laak khawh, tiah Institute of Chin Affairs (ICA) nih cun an langhter.

Chinram ah tualchung hriamtlai phu nih an laak mi SAC ralkap sakhan le palik sakhan hna cu;- Kanpetlet peng ah Makuiingnu palik sakhan, Thantlang palik sakhan le Lungler ralkap sakhan, Falam peng Var ralkap sakhan, Rihkhuadar no. 1 le no.2 ralkap sakhan, Tibual ralkap sakhan, Meifar ralkap sakhan, Khampat khuapi palik sakhan le ralkap sakhan, Tedim peng Kennedy tlang ralkap sakhan le Taingen ralkap sakhan, Matupi peng Lailenpi khuapi ralkap sakhan, Rezua ralkap sakhan, Thebuai ralkap sakhan, Hakha peng Bungzung ralkap sakhan, Paletwa peng Taronai Byuha ralkap sakhan.

Hnonebu Byuha ralkap sakhan, Point 377 Khawe Byuha ralkap sakhan, Shinletwa ralkap sakhan, Taungshi Byuha ralkap sakhan, Khah-Lah-Yah 289 Battalion hmunpi, Khankha tlang Byuha ralkap sakhan, Miwa ralkap sakhan le Hnamada Byuha ralkap sakhan hna an si, tiah Institute of Chin Affairs (ICA) nih cun an langhter. Surkhua khuapi palik sakhan, Hnaring khuapi palik sakhan, Vawngtu SAC ralkap sakhan, Sabawngte palik sakhan, Webula palik sakhan, Darkhai palik sakhan, Thantaung palik sakhan, Lungngu palik sakhan, Yangyi palik sakhan, Tikir palik sakhan.

Hmawngtlang palik sakhan, Kaptel palik sakhan hna cu SAC ralkap nih an chuahtak mi sakhan an si, tiah theih a si. Thawng dang relchap- MDF Sakhan Kahdoh Kong Ah Chin Hriamtlai Phu Unau 4 Nih CNA Le Ṭangṭi Phu Ralrin An Pek Hna, February 1 ni ah Mara ram chung ah a cang mi Maraland Defense Force (MDF) sakhan kahdohnak kong he pehtlai in Chin hriamtlai phu unau 4 nih Chin National Army (CNA) le ṭangṭi phu hna cu ralrin an pek hna.

Mara ram chung ah Chin National Army (CNA) le ṭangṭi phu hna nih ramri lonh riangmang in February 1 ni thawk in Maraland Defense Force (MDF) sakhan pakhat cu Drone hmang in voi tampi bomb an thlak. Cu pin ah cu kahdohnak ah cun CNA le ṭangṭi phu nih sualnak ngei lo Darlin khua mino hna cu ralphaw ah an hman hna caah Chin hriamtlai phu unau 4 nih cu bantuk tuahsernak cu ka duh hrimhrim lo, tiah an langhter.

Mara hriamtlai phu khat le phu khat kar buainak kong ah CNA le CDF ṭangṭi phu an i thlak ve cu Chin hriamtlai phu unau 4 kan lung a tling hrimhrim lo. Mara hriamtlai phu khat le phu khat kar buainak ruang ah CNA hruainak in CDF ṭangṭi phu nan i thlak rih a si ahcun Maraland Defense Force (MDF) le Chin hriamtlai phu unau 4 cu a herh ning paoh in kan cawlcang cang lai, tiah CNA le CDF ṭangṭi phu cu ralrin an pek hna.

Leave a Comment

Leave a Reply

Your email address will not be published. Required fields are marked *